నారాయణఖేడ్ నియోజకవర్గం నారాయణఖేడ్ మండలంలోని తూర్కపల్లి గ్రామానికి చెందిన కమ్మరి లక్ష్మయ్యకు మంజూరైన ఇందిరమ్మ ఇంటి నూతన గృహప్రవేశం కార్యక్రమం ఆనందోత్సాహాల మధ్య జరిగింది. ఈ కార్యక్రమానికి పీసీసీ సభ్యుడు కే శ్రీనివాస్ హాజరై కుటుంబ సభ్యులకు హృదయపూర్వక శుభాకాంక్షలు తెలియజేశారు.ఈ సందర్భంగా ఆయన మాట్లాడుతూ, ప్రతి పేద కుటుంబానికి సొంత ఇల్లు కలగాలనే సంకల్పంతో ప్రభుత్వం ఇందిరమ్మ గృహ పథకాన్ని అమలు చేస్తోందన్నారు. అర్హులైన ప్రతి కుటుంబానికి గృహ సౌకర్యం అందేలా కట్టుబడి పనిచేస్తున్నామని పేర్కొన్నారు.పేద ప్రజల జీవన స్థితిగతులు మెరుగుపడటానికి గృహం ఎంతో ప్రధానమని,సొంత ఇల్లు కలగడం ప్రతి కుటుంబానికి గౌరవప్రదమైన విషయం అని అన్నారు.ఇందిరమ్మ గృహ పథకం ద్వారా అనేక కుటుంబాలు సురక్షితమైన నివాసాన్ని పొందుతున్నాయని,గ్రామీణ ప్రాంతాల్లో అభివృద్ధికి ఇది ఒక కీలక అడుగు అని తెలిపారు. ప్రభుత్వం ప్రజల సంక్షేమమే లక్ష్యంగా వివిధ పథకాలను సమర్థవంతంగా అమలు చేస్తోందని చెప్పారు.ఈ కార్యక్రమంలో శివకుమార్, గ్రామ పెద్దలు, కార్యకర్తలు, మహిళలు, యువకులు మరియు స్థానికులు పెద్ద సంఖ్యలో పాల్గొని లక్ష్మయ్య కుటుంబానికి శుభాకాంక్షలు తెలిపారు. కార్యక్రమం ఆనందకర వాతావరణంలో ముగిసింది.