మెదక్ జిల్లాలోని కౌడిపల్లి మండలం పరిధిలో ఉన్న తున్కి గ్రామంలో ప్రసిద్ధి చెందిన తునికి శ్రీ నల్ల పోచమ్మ దేవస్థానంలో జరుగుతున్న వార్షిక ఉత్సవాలు భక్తుల నడుమ ఘనంగా కొనసాగుతున్నాయి.ఉత్సవాల్లో భాగంగా నాలుగో రోజు సోమవారం ఉదయం ప్రత్యేక కార్యక్రమాలు నిర్వహించారు. ఆలయ అర్చకులు “ఓం శ్రీమాత్రే నమః” మంత్రోచ్చారణల మధ్య అమ్మవారికి ప్రత్యేక అభిషేకాలు నిర్వహించారు. అనంతరం అమ్మవారికి పట్టువస్త్రాలు సమర్పించి శోభాయమానంగా అలంకరించారు. ప్రాతఃకాల పూజలను అత్యంత భక్తిశ్రద్ధలతో నిర్వహించారు.ఈ సందర్భంగా దేవాలయంలో ప్రత్యేక పూజలు, హారతులు, నైవేద్యాలు సమర్పించారు. గ్రామస్తులు మరియు పరిసర ప్రాంతాల భక్తులు పెద్ద సంఖ్యలో ఆలయానికి చేరుకొని అమ్మవారిని దర్శించుకుని మొక్కులు తీర్చుకున్నారు.