అచ్చంపేట: ఇంటర్ విద్యార్థి తనను పాస్ చేయాలని వేడుకుంటూ రాసిన ఉత్తరం సామాజిక మాధ్యమాల్లో వైరల్‌గా మారింది. ‘నాకు అమ్మానాన్న లేరు.. చదువు కూడా బాగా రాలేదు.. పేపర్ మూల్యాంకనం చేసే గురువులారా మీ కాళ్లు మొక్కుతా.. దేవుడు ఉన్నాడని నమ్ముతున్నా.. ఆ దేవుడు మీరే’ అంటూ భావోద్వేగంతో లేఖ రాశాడు.

ఈ లేఖలో గురువుకు దండం పెడుతున్నట్లుగా బొమ్మ కూడా గీయడం అందరినీ కదిలిస్తోంది. విద్యార్థి పరిస్థితిపై నెటిజన్లు స్పందిస్తూ, అతనికి న్యాయం చేయాలని కోరుతున్నారు.

ఈ ఘటన ఏ జిల్లాలో జరిగిందన్నది స్పష్టంగా తెలియకపోయినా, ప్రస్తుతం ఈ లేఖ సోషల్ మీడియాలో విస్తృతంగా వైరల్ అవుతోంది.