ట్యాక్సీ, ఆటో డ్రైవర్లకు రోడ్డు భద్రతపై అవగాహన కార్యక్రమం

సూర్యాపేట పట్టణం: ప్రజా పాలన ప్రగతి ప్రణాళికలో భాగంగా రోడ్డు భద్రత కార్యక్రమాన్ని నిర్వహిస్తూ సూర్యాపేట ట్రాఫిక్ పోలీసులు పట్టణంలోని న్యూ బస్టాండ్ ఆటో స్టాండ్ వద్ద ఆటో డ్రైవర్లకు అవగాహన కల్పించారు. ఈ సందర్భంగా వాహనాలు నడిపే విధానం, ప్రయాణికుల భద్రతపై అనుసరించాల్సిన నియమాలను వివరించారు.

పట్టణ పరిశీలకుడు వెంకటయ్య మాట్లాడుతూ ప్రయాణికులను సురక్షితంగా గమ్యానికి చేర్చడం ప్రతి డ్రైవర్ బాధ్యత అని తెలిపారు. వాహనాలను నిదానంగా నడపాలని, పరిమితికి మించి ప్రయాణికులను ఎక్కించవద్దని సూచించారు. ప్రయాణికులు వాహనాల్లో వస్తువులు మర్చిపోతే వాటిని తిరిగి అందజేయాలని లేదా పోలీసులకు సమాచారం ఇవ్వాలని చెప్పారు. ప్రయాణికులతో మర్యాదగా వ్యవహరించాల్సిన అవసరం ఉందని సూచించారు.

ట్రాఫిక్ ఉప పరిశీలకుడు సాయిరాం మాట్లాడుతూ రోడ్డు భద్రతా నియమాలు తప్పనిసరిగా పాటించాలని, జాగ్రత్తగా వాహనాలు నడిపి ప్రమాదాలను నివారించాలని కోరారు. నియమ నిబంధనలు ఉల్లంఘిస్తే చర్యలు తీసుకుంటామని హెచ్చరించారు.

ఈ కార్యక్రమంలో ట్రాఫిక్ పోలీసులు, ఆటో డ్రైవర్లు పాల్గొన్నారు.