కామేపల్లి మండలంలో నూతన దాబా హోటల్ ప్రారంభం – మేకల మల్లిబాబు యాదవ్ అభిప్రాయం

కామేపల్లి: సమాజంలో యాంత్రిక జీవనం పెరుగుతున్న ఈ రోజుల్లో ప్రజల జీవనశైలి మారిపోయిందని, వారి కనీస అవసరాలు తీర్చడంలో హోటళ్లు ప్రధాన పాత్ర పోషిస్తున్నాయని మాజీ జిల్లా పరిషత్ సభ్యుడు, జిల్లా సహకార కేంద్ర బ్యాంకు మాజీ డైరెక్టర్ మేకల మల్లిబాబు యాదవ్ అన్నారు.మండలంలోని పండితాపురం గ్రామంలో పశువుల సంత ఎదుట గ్రామ ఉపసర్పంచ్ మేకల మల్లికార్జునరావు ఆధ్వర్యంలో శుక్రవారం నూతన దాబా హోటల్‌ను ఏర్పాటు చేశారు. ఈ కార్యక్రమంలో ముఖ్య అతిథిగా మేకల మల్లిబాబు యాదవ్ పాల్గొని ప్రారంభించారు. కార్యక్రమంలో జిల్లా కాంగ్రెస్ నాయకులు షేక్ ఫతే మహమ్మద్, ప్రాథమిక వ్యవసాయ సహకార సంఘం చైర్మన్ ధనియాకుల హనుమంతరావు, గ్రామ సర్పంచ్ ధరావత్ అనురాధ తదితరులు పాల్గొన్నారు.ఈ సందర్భంగా మల్లిబాబు యాదవ్ మాట్లాడుతూ మానవ జీవనం నానాటికీ దశలవారీగా మారిపోతుందని తెలిపారు. గతంలో యంత్రాలు, ట్రాక్టర్లు లేని కాలంలో గ్రామాల్లో పాడి అభివృద్ధి చెందిందని, స్వచ్ఛమైన పాలు లభించేవని అన్నారు. ఉదయం ఇంటివద్ద టీ తాగి వెళ్లినవారు మళ్లీ టీ గురించి ఆలోచించేవారు కాదని పేర్కొన్నారు. కానీ నేడు వ్యాపారాభివృద్ధి, పనుల ఒత్తిడి కారణంగా ప్రజలు రోజులో అనేకసార్లు టీ త్రాగే అలవాటు చేసుకున్నారని అన్నారు.

ఇంటి వద్ద వంట చేసుకునే సమయం లేకపోవడం వల్ల బయట ఆహారం తీసుకునే పరిస్థితి ఏర్పడిందని, ఇలాంటి అవసరాలను తీర్చేందుకు హోటళ్లు అవసరమయ్యాయని తెలిపారు. నాణ్యమైన ఆహార పదార్థాలు అందిస్తే హోటల్ వేగంగా అభివృద్ధి చెందుతుందని, హోటల్ యజమాని మేకల లక్ష్మీనారాయణ అభివృద్ధి సాధించాలని ఆకాంక్షించారు.ఈ కార్యక్రమంలో తోటకూరి శివయ్య, షేక్ రబ్బానీ పాషా, ధరావతులాల భూక్య నాగేంద్రబాబు, నల్లమోతు లక్ష్మయ్య, జన్నారపు లింగయ్య, జక్కంపూడి వెంకటేశ్వర్లు, బండి ఉపేందర్, తోటకూరి భద్రయ్య, చాకలి రాములు, డేరంగుల తిరపయ్య, రాయల నాగ శంకర్, పాటిబండ్ల ప్రసాదు, బాదావత్ నాగరాజు, బండి ఎల్లయ్య, బత్తల సంగయ్య, మేకల మహేష్ బాబు, గుగులోతు రవి, అంబడిపూడి వెంకటయ్య, ఉన్నం ప్రభాకర్, చింతల వెంకయ్య, పల్లె వెంకట రాములు తదితరులు పాల్గొన్నారు.