సహారా ఆధ్వర్యంలో ఉచిత వైద్య–రక్తదాన శిబిరం

సహారా హాస్పిటల్స్ ఆధ్వర్యంలో సహారా ఎస్టేట్‌లో ఉచిత వైద్య పరీక్షలు, రక్తదాన శిబిరం నిర్వహించారు. ఈ కార్యక్రమానికి టీపీసీసీ ప్రతినిధి జక్కిడి ప్రభాకర్ రెడ్డి, జక్కిడి సత్య తేజ రెడ్డి హాజరయ్యారు.

ఈ సందర్భంగా వారు మాట్లాడుతూ లాభాపేక్ష లేకుండా ప్రజల ఆరోగ్యమే లక్ష్యంగా సేవలందిస్తున్న సహారా హాస్పిటల్ యాజమాన్యాన్ని అభినందించారు. సమాజ ఆరోగ్య పరిరక్షణలో ఇటువంటి శిబిరాలు కీలకమని పేర్కొన్నారు.

ఈ కార్యక్రమంలో హాస్పిటల్ ఎండీ డాక్టర్ నరేష్, సహారా ఎస్టేట్ సంఘం అధ్యక్షుడు జానీ మియా, శ్రీకాంత్, అనిత, వెంకట్ రెడ్డి, కాంగ్రెస్ పార్టీ నాయకులు పృథ్వీరాజ్, శ్యామల్ రెడ్డి, రాజశేఖర్ రెడ్డి, రఘుపతి, గంట శ్రవణ్, జానీ, శ్రీశైలం ప్రజాప్రతి, వెంకట సాయి తదితరులు పాల్గొన్నారు. శిబిరానికి ప్రజల నుంచి విశేష స్పందన లభించింది.