స్థానికం ప్రతినిధి కొండ మల్లేశం గౌడ్

రామన్నపేట మండలం పల్లివాడ గ్రామంలో సర్పంచ్ ఎన్నికల్లో బీఆర్‌ఎస్ ఘన విజయం సాధించింది. బీఆర్‌ఎస్ అభ్యర్థి కంభంపాటి శ్రీనివాసులు గౌడ్, కాంగ్రెస్ అభ్యర్థి మేకల మల్లయ్యపై స్పష్టమైన ఆధిక్యంతో గెలుపొందారు. ఈ ఎన్నికల్లో సీపీఐ(ఎం) పార్టీ కూడా బీఆర్‌ఎస్ అభ్యర్థికి మద్దతు ఇవ్వడంతో అధికార కాంగ్రెస్ పార్టీకి ఎదురుదెబ్బ తగిలింది. గ్రామ ఓటర్లు ఏకగ్రీవంగా మార్పు కోరుతూ బీఆర్‌ఎస్‌కు పట్టం కట్టారు.

గ్రామాభివృద్ధే లక్ష్యంగా అహర్నిశలు కృషి చేస్తానని నూతన సర్పంచ్ శ్రీనివాసులు గౌడ్ పేర్కొన్నారు. తనపై నమ్మకం ఉంచి గెలిపించిన ఓటరు మహాశయులకు, గ్రామ ప్రజలకు హృదయపూర్వక కృతజ్ఞతలు తెలిపారు. సదా ప్రజల సేవలో ఉంటూ, పల్లివాడను అభివృద్ధి పథంలో ముందుకు తీసుకెళ్లేందుకు కట్టుబడి ఉంటానని ఆయన స్పష్టం చేశారు.