త్యాగధనులకు నివాళులు… పెద్ద కాపర్తిలో కాంగ్రెస్ వేడుకలు

స్థానిక ప్రతినిధి

భారతదేశ స్వాతంత్ర్య సాధనలో కాంగ్రెస్ పార్టీ చేసిన అనేక పోరాటాలు, త్యాగాల ఫలితంగానే నేటి స్వేచ్ఛ సాధ్యమైందని పార్టీ నాయకులు పేర్కొన్నారు. కాంగ్రెస్ పార్టీ 141వ ఆవిర్భావ దినోత్సవాన్ని పురస్కరించుకుని చిట్యాల మండలం పెద్ద కాపర్తి గ్రామంలో ఘనంగా కార్యక్రమం నిర్వహించారు.

ఈ సందర్భంగా గ్రామ సర్పంచ్ కాటం వెంకటేశం జాతీయ పతాకాన్ని ఎగురవేయగా, ఉపసర్పంచ్ వరుసు సైదులు కొబ్బరికాయ కొట్టి కార్యక్రమాన్ని ప్రారంభించారు. అనంతరం స్వాతంత్ర్య ఉద్యమంలో పాల్గొని దేశం కోసం ప్రాణాలు అర్పించిన కాంగ్రెస్ పార్టీ త్యాగధనులను, ప్రముఖ నాయకులను స్మరించుకుంటూ నివాళులు అర్పించారు.

ఈ కార్యక్రమంలో వార్డు సభ్యులు ఏర్పుల యాదయ్య, ఏర్పుల వెంకన్న, సాగర్ల నాగరాజు, ఆనగంటి నరేష్, నూతి వెంకటేశం, బైరవని భిక్షం, జిల్లా నరసింహ, గుండబోయిన నరసింహ, ఓర్సు కృష్ణ, పొట్లపల్లి లింగస్వామి, కురు ఈదయ్యతో పాటు కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు. కార్యక్రమం అంతటా పార్టీ చరిత్ర, దేశాభివృద్ధిలో కాంగ్రెస్ పాత్రపై ప్రసంగాలు సాగాయి.