పెద్ద కాపర్తిలో ఇందిరా మహిళా శక్తి చీరల పంపిణీ

చిట్యాల స్థానికం ప్రతినిధి

చిట్యాల మండలం పెద్ద కాపర్తి గ్రామంలో ఇందిరా మహిళా శక్తి పథకం కింద సర్పంచ్ కాటం వెంకటేశం ఆధ్వర్యంలో మహిళలకు చీరల పంపిణీ జరిగింది. 18 సంవత్సరాలు నిండిన ప్రతి మహిళకు సంఘ బంధం ద్వారా చీరలు అందజేస్తామని, ఎవరు అధైర్యపడాల్సిన అవసరం లేదని ఆయన తెలిపారు.

ప్రతి మహిళను ఆర్థికంగా బలోపేతం చేయడమే కాంగ్రెస్ ప్రభుత్వ లక్ష్యమని, రేవంత్ రెడ్డి నాయకత్వంలోని ప్రభుత్వం మహిళల సంక్షేమానికి ప్రత్యేక ప్రాధాన్యం ఇస్తోందన్నారు. ఉచిత బస్సు ప్రయాణం, వడ్డీ లేని రుణాలు, ఇందిరమ్మ ఇండ్ల వంటి పథకాల ద్వారా మహిళల జీవితాల్లో మార్పు తీసుకొస్తున్నట్లు చెప్పారు.

ఈ కార్యక్రమంలో ఉప సర్పంచ్ ఓరుసు సైదులు, వార్డు సభ్యులు ఏర్పుల మల్లేశ్వరి, వీవీకేలు శ్రీలత, ఎదుల లక్ష్మి, బుంగపట్ల తిమ్మయ్యతో పాటు గ్రామ మహిళలు పెద్ద సంఖ్యలో పాల్గొన్నారు.