చిత్రపు అన్నపూర్ణమ్మ ‘శతాధిక’ సంబరాలు

ఐదు తరాల ఆశీర్వాదంతో అరుదైన వేడుక

కోదాడ, పట్టణానికి చెందిన వృద్ధురాలు చిత్రపు అన్నపూర్ణమ్మ (105) వందేళ్లు పూర్తి చేసుకున్న సందర్భంగా కుటుంబ సభ్యులు ఘనంగా ‘శతాధికా సంబరాలు’ నిర్వహించారు.

ఇప్పటికీ సంపూర్ణ ఆరోగ్యంతో ఉన్న అన్నపూర్ణమ్మ తన జీవితకాలంలో ఐదు తరాలను చూసి ఆశీర్వదించడం కుటుంబానికి అపూర్వ భాగ్యంగా నిలిచింది. ఆదివారం పట్టణంలోని ఒక ఫంక్షన్ హాల్లో ఆమెకు చెందిన 108 మంది కుటుంబ సభ్యులు ఏకమై వేడుకలను వైభవంగా జరిపారు.

వందేళ్లు దాటిన ఈ వృద్ధురాలిని సాక్షాత్తు దైవస్వరూపంగా భావిస్తూ కుటుంబ సభ్యులంతా ఆమె ఆశీస్సులు తీసుకున్నారు. కుటుంబ ఐక్యతకు ప్రతీకగా నిర్వహించిన ఈ వేడుకలో ఆనందోత్సాహాలు నెలకొన్నాయి.

ఈ కార్యక్రమంలో కుమారులు చిత్రపు నరసింహారావు, సుశీల, సుదర్శన్ రావు, కృష్ణకుమారి, మోహన్ రావు, అనసూర్య తదితర కుటుంబ సభ్యులు పాల్గొన్నారు.