యుద్ధం సెగతో సామాన్యుడి అవస్థలు

కమర్షియల్ గ్యాస్ కొరత కారణంగా చిన్న చితక హోటళ్ల నిర్వాహకులు తీవ్ర ఇబ్బందులు ఎదుర్కొంటున్నారు. గ్యాస్ సిలిండర్లు అందుబాటులో లేకపోవడంతో అనేక హోటళ్లు కట్టెల పొయ్యులపై ఆధారపడి వ్యాపారం కొనసాగిస్తున్నారు.

కొన్ని ప్రాంతాల్లో ఇప్పటికే హోటళ్లు మూతపడగా, మరికొన్ని మూతపడే పరిస్థితికి చేరుకున్నాయి. రెక్కాడితే కానీ డొక్కాడని పరిస్థితిలో ఉన్న చిన్న హోటల్ యజమానులు కట్టెల పొయ్యులతోనే హోటల్ నడుపుతూ ఉపాధిని కాపాడుకునే ప్రయత్నం చేస్తున్నారు.

కమర్షియల్ గ్యాస్ సరఫరా నిలిచిపోవడం వల్ల చిన్న వ్యాపారులు తీవ్ర ఆర్థిక ఇబ్బందులు ఎదుర్కొంటున్నారు. కనీసం ఒక్క గ్యాస్ సిలిండర్ అయినా అందించేలా ప్రభుత్వం చర్యలు తీసుకోవాలని హోటల్ నిర్వాహకులు విజ్ఞప్తి చేస్తున్నారు.

హోటళ్లు మూతపడితే తమకు ఉపాధి కోల్పోయే ప్రమాదం ఉందని హోటల్ కార్మికులు ఆందోళన వ్యక్తం చేస్తున్నారు. గ్యాస్‌పై ఆధారపడి నడుస్తున్న హోటళ్లు, చిన్న వ్యాపార సముదాయాలు ప్రస్తుతం దిక్కుతోచని స్థితిలో నిలిచిపోయాయి.