వివాహానికి రూ. లక్ష చెక్కు అందజేసిన కోమటిరెడ్డి సుశీలమ్మ ఫౌండేషన్

చౌటుప్పల్ మున్సిపల్ పరిధిలోని 14వ వార్డుకు చెందిన పోతగాని శివ కుటుంబానికి మునుగోడు ఎమ్మెల్యే కోమటిరెడ్డి రాజగోపాల్ రెడ్డి అండగా నిలిచారు.పోతగాని శివ సోదరి మనీషా వివాహం సందర్భంగా కోమటిరెడ్డి సుశీలమ్మ ఫౌండేషన్ ఆధ్వర్యంలో రూ.1 లక్షల ఆర్థిక సహాయాన్ని అందజేశారు. కుటుంబ సభ్యులకు చెక్కును అందించి, వారి వివాహ వేడుకలు సాఫీగా జరగాలని ఆకాంక్షించారు. నిరుపేద కుటుంబాలకు అండగా ఉంటూ ఎమ్మెల్యే రాజగోపాల్ రెడ్డి సేవా కార్యక్రమాలు కొనసాగిస్తున్నారని స్థానిక నాయకులు పేర్కొన్నారు. ఈ కార్యక్రమంలో మున్సిపల్ కాంగ్రెస్ పార్టీ అధ్యక్షుడు సుర్వి నరసింహ గౌడ్, 14వ వార్డు కౌన్సిలర్ ఉడుగు జ్యోతి రమేష్ గౌడ్, కో-ఆప్షన్ సభ్యుడు సందగళ్ల విజయ సతీష్ గౌడ్ తదితరులు పాల్గొన్నారు.