సూర్యాపేట జిల్లా స్థానికం ప్రతినిధి బిక్షం

సూర్యాపేట పట్టణంలోని నిర్మల ఆసుపత్రి మార్గంలో అలి సాహెబ్ పాషా ఆధ్వర్యంలో నూతనంగా ఏర్పాటు చేసిన కంటి వైద్య కేంద్రం ప్రారంభోత్సవం ఘనంగా జరిగింది. ఈ కార్యక్రమానికి ఏఐసీసీ సభ్యుడు రాంరెడ్డి సర్వోత్తమ్ రెడ్డి, వ్యవసాయ మార్కెట్ కమిటీ చైర్మన్ కొప్పుల వేణారెడ్డి హాజరయ్యారు. ప్రారంభోత్సవ సందర్భంగా నిర్వాహకులు మాట్లాడుతూ పట్టణ ప్రజలకు నాణ్యమైన కంటి వైద్య సేవలు అందించాలనే లక్ష్యంతో ఈ కేంద్రాన్ని ఏర్పాటు చేసినట్లు తెలిపారు. ఆధునిక సౌకర్యాలతో పేద ధనిక భేదం లేకుండా చికిత్స అందిస్తామని పేర్కొన్నారు.

ఈ కార్యక్రమంలో స్థానిక నాయకులు, వైద్యులు, పట్టణవాసులు పాల్గొని నిర్వాహకులకు శుభాకాంక్షలు తెలిపారు. సూర్యాపేట పట్టణానికి ఈ కంటి వైద్య కేంద్రం ఎంతో ఉపయోగకరంగా మారుతుందని పలువురు అభిప్రాయపడ్డారు.