విద్యార్థులకు అల్బండజోల్ మాత్రల పంపిణీ

పరిసరాల పరిశుభ్రతతోనే ఆరోగ్యం: ఉపసర్పంచుల ఫోరం రాష్ట్ర కార్యదర్శి చిన్నం బాలరాజు

గ్రామంలోని ప్రాథమిక పాఠశాలలో సోమవారం ప్రభుత్వ ఆరోగ్య వైద్య సిబ్బంది ఆధ్వర్యంలో జాతీయ నులిపురుగుల దినోత్సవాన్ని పురస్కరించుకొని విద్యార్థులకు అల్బండజోల్ మాత్రలను పంపిణీ చేశారు. ఈ కార్యక్రమానికి ముఖ్య అతిథిగా నేలపట్ల ఉపసర్పంచ్, తెలంగాణ ఉపసర్పంచుల ఫోరం రాష్ట్ర కార్యదర్శి చిన్నం బాలరాజు కురుమ హాజరై, విద్యార్థులకు మాత్రలు వేశారు.​ఈ సందర్భంగా ఆయన మాట్లాడుతూ... ఆరోగ్య సిబ్బంది సూచనల మేరకు 1 సంవత్సరం నుండి 19 సంవత్సరాల లోపు ఉన్న పిల్లలందరికీ ప్రభుత్వం అందిస్తున్న అల్బండజోల్ మాత్రలను తప్పనిసరిగా వేయించాలని కోరారు.​నిత్యం తినే పండ్లు, కూరగాయలను శుభ్రంగా కడిగిన తర్వాతే వండుకోవాలి.​భోజనానికి ముందు చేతులను శుభ్రంగా కడుక్కోవాలి.​ప్రతి ఒక్కరూ బాహ్య మలవిసర్జన మానాలి, తప్పకుండా మరుగుదొడ్లను మాత్రమే ఉపయోగించాలి.ఇళ్లలోని చెత్తను రోడ్లపై వేయకుండా, గ్రామపంచాయతీ చెత్త సేకరించే ట్రాక్టరుకే అందించాలి.​ఆరోగ్య సిబ్బంది, ఆశా వర్కర్లు అందించే సూచనలు, జాగ్రత్తలు పాటిస్తూ అందరూ ఆరోగ్యవంతమైన జీవితాన్ని గడపాలని ఆయన పిలుపునిచ్చారు.​ఈ కార్యక్రమంలో గ్రామ పంచాయతీ కార్యదర్శి స్వరూప, పాఠశాల ప్రధానోపాధ్యాయురాలు సుజాత, ఆరోగ్య సిబ్బంది (ఎఎన్ఎమ్) గొల్ల సునంద, ఆశావర్కర్లు బి. విజయ, బి. మీనాక్షి, గ్రామ పంచాయతీ సిబ్బంది జి. భాస్కర్, జి. రామచంద్రం తదితరులు పాల్గొన్నారు.