ఈనెల 11న చౌటుప్పల్ పురపాలక కేంద్రంలో పోలింగ్ ముగీయడంతో పోటీ చేసిన అభ్యర్థులు ఓటింగ్ సరళి, ఫలితాలపై అంచనాలు వేసుకుంటున్నారు.ఎన్నికలకు ముందు ప్రచారం, వ్యూహ, ప్రతి వ్యూహాల్లో నిమగ్నమైన పార్టీ నేతలు, ఇప్పుడు అభ్యర్థులు కొద్ది గంటల్లో తేలబోయే ఫలితాలు ఎలా ఉంటాయోననే ఉత్కంఠత ప్రతి ఒక్కరిలో నెలకొంది. ఫలితాలు ఎలా ఉంటాయోనన్న భయంతో పోటీ చేసిన అభ్యర్థుల్లో టెన్షన్.. టెన్షన్ నెలకొన్నది.' అన్నా గెలుస్తానే ..! అనే ఒకే ఒక్క ప్రశ్న చుట్టూనే ఇప్పుడు అందరి రాజకీయ జీవితం తిరుగుతుంది. ఏ సర్వే నమ్మాలో అర్ధం కాక అభ్యర్థులు హైరానాలో పడ్డారు. గెలుస్తామనే నమ్మకం ఉన్న నేతలు మాత్రం భారీగా సంబరాలకు ఏర్పాటు చేసుకున్నట్లు తెలుస్తుంది. ఏది ఏమైనా కొద్ది గంటల్లో నాయకుల భవితవ్యం తేలనుంది.