సూర్యాపేట స్థానికంబిక్షం

నూతన ఆంగ్ల సంవత్సరాన్ని పురస్కరించుకొని సూర్యాపేట జిల్లా కేంద్రంలోని వైట్ హౌస్‌లో సుధాకర్ పీవీసీ మేనేజింగ్ డైరెక్టర్ మీలా మహదేవ్ ప్రముఖులను మర్యాదపూర్వకంగా కలిసి నూతన సంవత్సర శుభాకాంక్షలు తెలిపారు.

ఈ సందర్భంగా ఏఐసీసీ నాయకులు రాంరెడ్డి సర్వోత్తమ రెడ్డి, సూర్యాపేట వ్యవసాయ మార్కెట్ కమిటీ చైర్మన్ కొప్పుల వేనారెడ్డి, రాష్ట్ర కాంగ్రెస్ నాయకులు పోతు భాస్కర్లను కలిసిన మీలా మహదేవ్ వారికి శుభాకాంక్షలు తెలియజేయడంతో పాటు క్యాలండర్, డైరీ, గిఫ్ట్ బాక్స్‌లను అందజేశారు.

ఈ భేటీ సందర్భంగా నూతన సంవత్సరంలో ప్రజా సంక్షేమం, అభివృద్ధి కార్యక్రమాలు మరింత వేగవంతం కావాలని ఆకాంక్షించారు. జిల్లా అభివృద్ధి, ప్రజా సమస్యల పరిష్కారానికి సమిష్టిగా కృషి చేయాల్సిన అవసరం ఉందని వారు అభిప్రాయపడ్డారు.

ఈ కార్యక్రమంలో సుధా బ్యాంకు వైస్ చైర్మన్ కక్కిరేణి చంద్రశేఖర్, పీవీఎస్ శర్మతో పాటు పలువురు ప్రముఖులు పాల్గొన్నారు.