విద్యార్థుల భవిష్యత్తు తరగతి గదిలోనే నిర్మాణం- ఎస్సై నాగిరెడ్డి

మెరిట్ విద్యార్థులకు సర్టిఫికెట్ల ప్రదానం

చౌటుప్పల్ పట్టణంలోని నారాయణ హై స్కూల్‌లో చిల్డ్రన్స్ గ్రాడ్యుయేషన్ డే వేడుకలు ఘనంగా నిర్వహించారు. ముఖ్య అతిథులుగా ఏజీఎం శ్రీనివాస్ రెడ్డి, ఎస్సై నాగిరెడ్డి హాజరై విద్యార్థులను ఉద్దేశించి వారు మాట్లాడుతూ విద్యార్థులు క్రమశిక్షణతో చదువుకుంటూ తమ భవిష్యత్తును తీర్చిదిద్దుకోవాలని సూచించారు. ఒక విద్యార్థి భవిష్యత్తు తరగతి గదిలోనే రూపుదిద్దుకుంటుందని, కృషి, పట్టుదలతో చదివి తల్లిదండ్రులు, ఉపాధ్యాయులకు మంచి పేరు తీసుకురావాలని ఆకాంక్షించారు. కిడ్స్ విభాగంలో ప్రతిభ కనబర్చిన విద్యార్థులకు సర్టిఫికెట్లు అందజేశారు. చిన్నారుల ప్రతిభ ప్రదర్శనలు ఆకట్టుకున్నాయి.ఈ కార్యక్రమంలో ప్రిన్సిపాల్ నవనీత, డీన్ వెంకన్న, వైస్ ప్రిన్సిపల్స్ ప్రసన్న, మాధవి, ఏవో వెంకటేశం, ఉపాధ్యాయులు, విద్యార్థుల తల్లిదండ్రులు పాల్గొన్నారు.