ప్రజల ఆశీస్సులతో బాధ్యతలు స్వీకరించిన నూతన కార్పొరేటర్

నల్లగొండ మున్సిపల్ కార్పొరేషన్ 20వ డివిజన్ కార్పొరేటర్‌గా ఎన్నికైన నాయకుడు ప్రమాణ స్వీకారం చేశారు. ప్రజల ఆశీస్సులు, పార్టీ నాయకత్వం విశ్వాసంతో ఈ బాధ్యతలు చేపట్టడం గర్వకారణమని తెలిపారు.పెద్దబండ గొల్లగూడ, అంబేద్కర్ కాలనీ, ఓం సాయి కాలనీ, ఎఫ్ సి ఐ కాలనీ, లక్ష్మీ నగర్ కాలనీ, దాసరివారి వీధి ప్రాంతాల ప్రజలకు ప్రత్యేక కృతజ్ఞతలు తెలిపారు. తమపై నమ్మకం ఉంచి గెలిపించిన ప్రతి ఒక్కరికి జీవితాంతం రుణపడి ఉంటానని పేర్కొన్నారు. అలాగే ఈ అవకాశం కల్పించిన రాష్ట్ర మంత్రివర్యులు కోమటిరెడ్డి వెంకటరెడ్డి కు హృదయపూర్వక కృతజ్ఞతలు తెలిపారు. వారి నాయకత్వంలో డివిజన్ అభివృద్ధికి కృషి చేస్తానని స్పష్టం చేశారు.డివిజన్‌లో తాగునీరు, పారిశుధ్యం, రహదారులు, విద్యుత్ సదుపాయాల అభివృద్ధి ప్రధాన లక్ష్యమని వెల్లడించారు. ప్రజల సమస్యల పరిష్కారానికి ఎప్పుడూ అందుబాటులో ఉంటానని హామీ ఇచ్చారు.

చివరిగా “జై కాంగ్రెస్… జై కోమటిరెడ్డి వెంకటరెడ్డి” అంటూ నినాదాలు చేశారు.