నకిరేకల్‌లో గ్రామ పాలనకు కొత్త ఊపిరి

నకిరేకల్, స్థానికం ప్రతినిధి

నకిరేకల్ నియోజకవర్గంలో గ్రామపంచాయతీల్లో నూతనంగా ఎన్నికైన సర్పంచులు, ఉపసర్పంచుల ప్రమాణ స్వీకారోత్సవాలు సోమవారం ఘనంగా జరిగాయి. చిట్యాల, కట్టంగూర్ మండలాల్లో నిర్వహించిన ఈ కార్యక్రమాలు రాజకీయంగా ప్రాధాన్యం సంతరించుకున్నాయి.

చిట్యాల మండలం ఆరెగూడెం గ్రామపంచాయతీలో సర్పంచ్‌గా ఎన్నికైన నాగంపళ్లి శ్యామ్, ఉపసర్పంచ్ ప్రమాణ స్వీకారోత్సవంలో పాల్గొని నూతన పాలకవర్గాన్ని సన్మానించారు. గ్రామ అభివృద్ధికి సమష్టి కృషి అవసరమని నాయకులు సూచించారు.

కట్టంగూర్ మండలం బొల్లెపెల్లి గ్రామపంచాయతీలో సర్పంచ్‌గా ఎన్నికైన వల్లపు వెంకట్ నారాయణ రెడ్డి ప్రమాణ స్వీకార సభ నిర్వహించారు. ఈ కార్యక్రమానికి మాజీ శాసనమండలి చైర్మన్ నేతి విద్యాసాగర్ ముఖ్య అతిథిగా హాజరై నూతన సర్పంచ్‌కు శుభాకాంక్షలు తెలిపారు.

అలాగే కట్టంగూర్ మేజర్ గ్రామపంచాయతీ కట్టంగూరులో సర్పంచ్‌గా ఎన్నికైన ముక్కాముల శ్యామల శేఖర్ ప్రమాణ స్వీకార సభ జరిగింది. ఈ కార్యక్రమానికి మాజీ జెడ్పిటిసి సుంకరబోయిన నరసింహ యాదవ్ అధ్యక్షత వహించారు.

ఈ మూడు కార్యక్రమాల్లో తెలంగాణ రాష్ట్ర కాంగ్రెస్ పార్టీ ప్రధాన కార్యదర్శి దైద రవీందర్, మాజీ ఎంపీపీ ముత్తిలింగం, జిల్లా కాంగ్రెస్ పార్టీ కార్యదర్శి మాదా లింగస్వామి గౌడ్, సీనియర్ కాంగ్రెస్ నాయకులు చత్రపతి, నర్సింగ్ దుర్గయ్య గౌడ్, మాజీ సర్పంచ్ జింజరాల వెంకన్న తదితరులు పాల్గొన్నారు.