రెండు లక్షల రూపాయల చెక్కు అందజేసిన జిల్లా ఎస్పీ నరసింహ

సూర్యాపేట జిల్లా ఆయుధ దళంలో పనిచేస్తున్న కానిస్టేబుల్ జునైద్ అనారోగ్యంతో ఇటీవల మరణించగా, అతని కుటుంబానికి పోలీసు చేయూత పథకం ద్వారా ఆర్థిక సహాయం అందించారు.జిల్లా పోలీసు కార్యాలయంలో నిర్వహించిన కార్యక్రమంలో జిల్లా ఎస్పీ నరసింహ జునైద్ కుటుంబ సభ్యులకు రెండు లక్షల రూపాయల చెక్కును అందజేశారు.ఈ సందర్భంగా ఎస్పీ మాట్లాడుతూ పోలీసు సిబ్బంది కుటుంబాల సంక్షేమం కోసం పోలీసు శాఖ ఎల్లప్పుడూ కృషి చేస్తుందని తెలిపారు. మృత సిబ్బంది కుటుంబానికి అన్ని విధాల అండగా నిలుస్తామని భరోసా ఇచ్చారు.పోలీసు చేయూత పథకం నిర్వహణకు జిల్లా పోలీసు సిబ్బంది ప్రతి నెల తమ జీతాల నుంచి విరాళాలు అందిస్తూ సహకరిస్తున్నారని అభినందించారు. ఈ పథకం ద్వారా అనేక కుటుంబాలకు ఆర్థిక భరోసా కలుగుతోందని పేర్కొన్నారు.ఈ కార్యక్రమంలో ప్రత్యేక విభాగం పరిశీలకుడు రామారావు, పోలీసు సంక్షేమ సంఘం అధ్యక్షుడు రామచందర్ గౌడ్, సంక్షేమ విభాగం ఉప పరిశీలకుడు సాయిరాం, కుటుంబ సభ్యులు పాల్గొన్నారు.