ఉపసర్పంచ్ తుమ్మ సతీష్

తెలంగాణ సాయుధ పోరాట యోధురాలు, వీర వనిత మల్లు స్వరాజ్యం జీవితం అందరికీ ఆదర్శనీయమని,ఆమె అందించిన పోరాట స్ఫూర్తిని, మానవత విలువలను భవిష్యత్ తరాలకు అందించాల్సిన అవసరం ఎంతైనా ఉందని రేపాల గ్రామ ఉపసర్పంచ్ తుమ్మ సతీష్ అన్నారు. గురువారం మునగాల మండలం రేపాల గ్రామంలో సిపిఎం పార్టీ ప్రజాసంఘాల ఆధ్వర్యంలో నిర్వహించిన మల్లు స్వరాజ్యం నాలుగవ వర్ధంతి కార్యక్రమంలో పాల్గొని ఆమె చిత్రపటానికి పూలమాలలు వేసి నివాళులు అర్పించారు.ఈ సందర్భంగా ఆయన మాట్లాడుతూ..మల్లు స్వరాజ్యం జీవితమంతా త్యాగాలమ‌యం అన్నారు. జీవితాంతం నిరుపేదల అభ్యున్నతి కోసం పరితపించిన‌ట్లు తెలిపారు.ఈ కార్యక్రమంలో సిపిఎం పార్టీ గ్రామ శాఖ కార్యదర్శి గండు వీరయ్య,పార్టీ సీనియర్ నాయకులు సోమపంగు జానయ్య,మహిళా సంఘం మండల కమిటీ సభ్యురాలు సోమపంగు అక్కమ్మ,పార్టీ సభ్యులు తిరపయ్య, ఆదినారాయణ.రామస్వామి,వెంకయ్య,రవి,శ్రీనివాస్ రెడ్డి,వెంకన్న,గ్రామస్తులు తదితరులు పాల్గొన్నారు.