బండారు మంగమ్మ వెంకన్న కి మద్దతుగా రాంరెడ్డి సర్వోత్తమ్ రెడ్డి , కొప్పుల వేణారెడ్డి ప్రచారం

మున్సిపల్ ఎన్నికల ప్రచారంలో భాగంగా 9వ వార్డులోని బలహీన వర్గాల కాలనీలో మహిళా అభ్యర్థి బండారు మంగమ్మ వెంకన్న కి మద్దతుగా ఏఐసీసీ సభ్యులు రాంరెడ్డి సర్వోత్తమ్ రెడ్డి , వ్యవసాయ మార్కెట్ కమిటీ చైర్మన్ కొప్పుల వేణారెడ్డి ఇంటింటి ఎన్నికల ప్రచారం నిర్వహించారు.ఈ సందర్భంగా బండారు మంగమ్మ వెంకన్న మహిళలు, వృద్ధులు, చిన్నారులతో నేరుగా మాట్లాడుతూ వార్డు సమస్యలను తెలుసుకున్నారు. మహిళల సాధికారతే లక్ష్యంగా కాంగ్రెస్ ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలను ప్రజలకు వివరించారు.ఈ కార్యక్రమంలో పాల్గొన్న రాంరెడ్డి సర్వోత్తమ్ రెడ్డి , కొప్పుల వేణారెడ్డి మాట్లాడుతూ పేదలు, బడుగు, బలహీన వర్గాల సమస్యలను బాగా అర్థం చేసుకునే నాయకురాలిగా బండారు మంగమ్మ వెంకన్న ని కాంగ్రెస్ పార్టీ అభ్యర్థిగా నిలిపిందని తెలిపారు. మహిళా అభ్యర్థిని గెలిపిస్తే వార్డు అభివృద్ధి మరింత వేగంగా జరుగుతుందని పేర్కొన్నారు.ప్రజాపాలన ప్రభుత్వం ప్రజల సంక్షేమానికి పెద్దపీట వేస్తోందని, ఈ సంక్షేమ పాలనను కొనసాగించాలంటే 9వ వార్డు మహిళా అభ్యర్థి బండారు మంగమ్మ వెంకన్నకి ఓటు వేసి గెలిపించాలని వారు కోరారు.ఈ కార్యక్రమంలో కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.