మహాత్మా గాంధీ జాతీయ గ్రామీణ ఉపాధి హామీ చట్టాన్ని యధావిధిగా కొనసాగించాలని ఆంధ్రప్రదేశ్ వ్యవసాయ కార్మిక సంఘం (బి కే యం యు) రాష్ట్ర అధ్యక్షులు సిహెచ్ కోటేశ్వరరావు డిమాండ్ చేశారు. కేంద్ర ప్రభుత్వం తీసుకొచ్చిన వికసిత్ భారత్ జిరాంజీ పథకాన్ని రద్దు చేయాలని కోరుతూ చాట్రాయి మండలం చిన్నంపేటలో వ్యవసాయ కార్మిక సంఘం కార్యకర్తలతో కలిసి ఆయన విస్తృత ప్రసారం చేశారు. ఈ సందర్భంగా జరిగిన కార్యక్రమంలో ఆయన మాట్లాడుతూ 2005 లో సాధించుకున్న జాతీయ గ్రామీణ ఉపాధి హామీ చట్టాన్ని మోడీ నాయకత్వంలోని ఎన్డీఏ ప్రభుత్వం రద్దుచేసి గాంధీజీని హత్య చేసిన గాడ్సే పేరు వచ్చేలాగా వికసిత్ భారత్ జి రామ్ జి పథకాన్ని తీసుకొచ్చిందని ఆయన తెలిపారు.జి రాం జి పథకం వల్ల గ్రామీణ పేదలకు ఉపాధి పనులు దక్కకుండా పోతాయని ఆయన ఆవేదన వ్యక్తం చేశారు. ఉపాధి హామీ చట్టం ఉంటే కేంద్రం 90 శాతం రాష్ట్ర ప్రభుత్వాలు 10 శాతం నిధులు కేటాయించేయని, జీ రాం జీ పథకం ద్వారా కేంద్రం 60 శాతం రాష్ట్ర ప్రభుత్వాలు 40 శాతం నిధులు కేటాయించడం సాధ్యం కానీ పని అని తద్వారా ఉపాధి హామీని గ్రామీణ పేదలకు లేకుండా చేయాలని మోడీ ప్రభుత్వం ప్రయత్నిస్తుందని ఆయన విమర్శించారు.

ఆంధ్రప్రదేశ్ వ్యవసాయ కార్మిక సంఘం, సిపిఐ, ఎన్ఎఫ్ఐ డబ్ల్యు సంయుక్తంగా ఉపాధి చట్టాన్ని అమలు చేయాలని కోరుతూ ముద్రించిన కరపత్రాలను గ్రామంలో ఇంటింటికి తిరిగి పేద ప్రజలకు ఇచ్చి విస్తృత ప్రచారాన్ని వ్యవసాయ కార్మికులు చేపట్టారు. ఫిబ్రవరి 9వ తేదీన మండల ఏ పీ ఓ కు వినతి పత్రాలు ఇవ్వాలని ఆయన కోరారు.ఈ కార్యక్రమానికి కొమ్ము ఆనంద్ అధ్యక్షత వహించారు. ఈ కార్యక్రమంలో వ్యవసాయ కార్మిక సంఘం రాష్ట్ర అధ్యక్షులు సిహెచ్ కోటేశ్వరరావు తో పాటు వ్యవసాయ కార్మిక సంఘం ఏలూరు జిల్లా కార్యదర్శి బండి వెంకటేశ్వరరావు, సిపిఐ ఏలూరు జిల్లా కార్యదర్శి మన్నవ కృష్ణ చైతన్య, సి పి ఐ నూజివీడు నియోజకవర్గ కార్యదర్శి నిమ్మగడ్డ నరసింహ మరియు వ్యవసాయ కార్మిక సంఘం కార్యకర్తలు పాల్గొన్నారు.