నల్గొండ జిల్లా చిట్యాల మున్సిపాలిటీలో వేసవి కాలంలో తీవ్రమైన ఎండ తాకిడిని దృష్టిలో ఉంచుకుని వీధి వ్యాపారులకు ఉపశమనం కలిగించేలా లైన్స్ క్లబ్ ఆఫ్ చిట్యాల ఆధ్వర్యంలో గొడుగుల పంపిణీ కార్యక్రమం నిర్వహించారు. ఈ కార్యక్రమంలో మున్సిపల్ చైర్మన్ పందిరి గీత రమేష్, వైస్ చైర్మన్ గుండెబోయిన శ్రీలక్ష్మి సైదులు ముఖ్య అతిథులుగా పాల్గొని వ్యాపారులకు గొడుగులను అందజేశారు.జిల్లా జిఎంటి కోఆర్డినేటర్ MJF Ln గుడిపూడి వెంకటేశ్వరరావు సహకారంతో ముఖ్యంగా కూరగాయల వ్యాపారులకు ఈ గొడుగులను పంపిణీ చేయడం జరిగింది. వేసవి కాలంలో రోడ్లపై వ్యాపారం చేసే వారికి ఇది ఎంతో ఉపయోగకరంగా ఉంటుందని వారు తెలిపారు.

ఈ కార్యక్రమంలో లయన్స్ క్లబ్ ప్రధాన కార్యదర్శి రేగులగడ్డ నర్సింహా గౌడ్,ట్రెజరర్ కొల్లోజు శ్రీకాంత్, లయన్స్ సభ్యులు మరియు కౌన్సిలర్లు కోనేటి ఎల్లయ్య, ఏర్పుల పరమేష్, పెందోట రవింద్రచారి తదితరులు పాల్గొన్నారు. కార్యక్రమం విజయవంతంగా కొనసాగింది.