కోదాడ పట్టణంలో ఎంగిలిపూల బతుకమ్మ సంబురాలు శనివారం ఘనంగా నిర్వహించారు. బాలుర ఉన్నత పాఠశాల ప్రాంగణంలో మున్సిపల్ పాలకవర్గం ఆధ్వర్యంలో జరిగిన వేడుకలను మున్సిపల్ చైర్మన్ ఎర్నేని కుసుమ వెంకట్ రత్నం బాబు, కమిషనర్ రమాదేవి ప్రారంభించారు. గౌరమ్మకు ప్రత్యేక పూజలు నిర్వహించిన అనంతరం మహిళలు రంగురంగుల పూలతో బతుకమ్మలను పేర్చి ఆటపాటలతో సందడి చేశారు.

వేడుకల కోసం మున్సిపాలిటీ ఆధ్వర్యంలో తాగునీరు, విద్యుత్, మైక్ తదితర సౌకర్యాలు కల్పించారు. ఈ కార్యక్రమంలో వైస్ చైర్మన్ దేవరశెట్టి మల్లీశ్వరి, మహిళా మండలి అధ్యక్షురాలు నూనె సులోచన, మాజీ చైర్మన్ సామినేని ప్రమీల, కౌన్సిలర్లు, మహిళా నాయకురాళ్లు పాల్గొన్నారు.