అన్నప్రసాదాన్ని పంపిణీ చేసిన పటేల్ రమేష్ రెడ్డి

మహాలయ అమావాస్య పర్వదినాన్ని పురస్కరించుకొని సూర్యాపేట పట్టణంలోని శంకర్ విలాస్ సెంటర్‌లో సుమన్ వెంకన్న, గోపారపు రాజు ఆధ్వర్యంలో అన్నప్రసాద వితరణ కార్యక్రమాన్ని నిర్వహించారు. ఈ కార్యక్రమానికి తెలంగాణ రాష్ట్ర పర్యాటక అభివృద్ధి సంస్థ మాజీ చైర్మన్ పటేల్ రమేష్ రెడ్డి ముఖ్య అతిథిగా హాజరై భక్తులకు అన్నప్రసాదాన్ని పంపిణీ చేశారు. ఈ సందర్భంగా ఆయన మాట్లాడుతూ మహాలయ అమావాస్య వంటి పర్వదినాల్లో భక్తిశ్రద్ధలతో అన్నదాన కార్యక్రమాలు నిర్వహించడం అభినందనీయమని పేర్కొన్నారు. అన్నదానం గొప్ప సేవా కార్యక్రమమని, భక్తులకు అన్నప్రసాదం అందించడం సంతోషకరమని అన్నారు. కార్యక్రమంలో నిర్వాహకులు, భక్తులు పాల్గొన్నారు.