మల్కాజిగిరి ప్రభుత్వ ఆసుపత్రిలో ప్రపంచ మానసిక ఆరోగ్య దినోత్సవం

మల్కాజిగిరి, అక్టోబర్ 10: మానసిక ఆరోగ్యంపై ప్రతి ఒక్కరూ అవగాహన కలిగి ఉండాలని మల్కాజిగిరి ప్రభుత్వ జనరల్ ఆసుపత్రి వైద్యులు సూచించారు. ప్రపంచ మానసిక ఆరోగ్య దినోత్సవాన్ని పురస్కరించుకుని శనివారం ఆసుపత్రిలో అవగాహన కార్యక్రమం నిర్వహించారు. మానసిక సమస్యలను తొలిదశలోనే గుర్తించడం, అవసరమైనప్పుడు వైద్య సహాయం పొందడం, సమస్యలతో బాధపడుతున్నవారికి అండగా నిలవడం వంటి అంశాలపై అవగాహన కల్పించారు.

బాధితుల అనుభవాలకు ప్రాధాన్యం

‘అనుభవాలకు ప్రాధాన్యత.. నిజమైన గొంతుకలు.. నిజమైన మార్పు’ అనే సందేశంతో నిర్వహించిన ఈ కార్యక్రమంలో మానసిక సమస్యలతో బాధపడుతున్న వారి అనుభవాలను గౌరవించాలని, వారి అభిప్రాయాలను శ్రద్ధగా వినాలని సూచించారు. బాధితుల పట్ల వివక్ష చూపకుండా సానుభూతితో వ్యవహరించాలని, వారికి అవసరమైన సహకారం అందించాలని తెలిపారు. నాణ్యమైన మానసిక ఆరోగ్య సేవలను అందరికీ అందుబాటులోకి తీసుకురావాల్సిన అవసరాన్ని వివరించారు.

ఈ కార్యక్రమంలో ఆసుపత్రి సూపరింటెండెంట్ డాక్టర్ రాధా, ఆర్‌ఎంఓ డాక్టర్ సాయి శోభ, డిప్యూటీ ఆర్‌ఎంఓ డాక్టర్ మాధురి, డాక్టర్లు సంజీవ్ నాయక్, కాశీనాథ్, కిరణ్, హరిత, రవీంద్ర, తేజస్విని, స్వాతి, శాంతి, ప్రొఫెసర్‌, హెచ్‌ఓడీ డాక్టర్ విజయశ్రీ, డాక్టర్ మీనా, పీఆర్వో డాక్టర్ పి. వినోద్, డాక్టర్ సనా, డిప్యూటీ నర్సింగ్ సూపరింటెండెంట్లు రోజలిన్, ఫాతిమా, ల్యాబ్ టెక్నీషియన్ రాజేందర్, డీఈఓలు, నర్సింగ్ సిబ్బంది, ఇతర ఆసుపత్రి సిబ్బంది పాల్గొన్నారు.