ప్రేరణ–రెండువేల ఇరవై ఆరు జిల్లా స్థాయి పోటీలు విజయవంతం

భువనగిరి కేంద్రీయ విద్యాలయంలో విద్యార్థుల ప్రతిభ వెల్లువ

భారత ప్రభుత్వ విద్యాశాఖ ఆధ్వర్యంలో కేంద్రీయ విద్యాలయ సంఘటన్ నిర్వహిస్తున్న ప్రేరణ–రెండువేల ఇరవై ఆరు కార్యక్రమంలో భాగంగా జిల్లా స్థాయి పోటీలు భువనగిరిలో ఘనంగా జరిగాయి.పీఎం శ్రీ కేంద్రీయ విద్యాలయం వేదికగా నిర్వహించిన ఈ పోటీల్లో జిల్లావ్యాప్తంగా ప్రభుత్వ, ప్రైవేటు పాఠశాలల విద్యార్థులు ఉత్సాహంగా పాల్గొన్నారు.

విద్యార్థుల్లో సృజనాత్మకత, నాయకత్వ లక్షణాలు, నైతిక విలువలు, జాతీయ భావన పెంపొందించడమే లక్ష్యంగా ఈ కార్యక్రమం రూపుదిద్దుకున్నట్లు నిర్వాహకులు తెలిపారు. వికసిత భారత్ రెండు వేల నలభై ఏడు, భారతదేశంపై నా దృష్టికోణం, ప్రేరణ కార్యక్రమానికి నేను ఎందుకు ఎంపిక కావాలి వంటి అంశాలపై విద్యార్థులు కవితలు, పాటలు, చిత్రలేఖనం, వ్యాసాల రూపంలో తమ ఆలోచనలను వ్యక్తపరిచి ఆకట్టుకున్నారు.ఈ సందర్భంగా పాఠశాల ప్రిన్సిపాల్ ఎన్. చంద్రమౌళి మాట్లాడుతూ, ప్రేరణ కార్యక్రమం విద్యార్థుల్లో ఆత్మవిశ్వాసం, క్రమశిక్షణ, సామాజిక బాధ్యతను పెంపొందిస్తుందని అన్నారు. జిల్లా స్థాయిలో ప్రతిభ కనబరిచిన విద్యార్థులను తదుపరి దశకు ఎంపిక చేస్తామని తెలిపారు.

విద్యార్థుల ఉత్సాహం, క్రమశిక్షణతో ఈ పోటీలు విజయవంతంగా ముగియగా, ప్రేరణ–రెండువేల ఇరవై ఆరు కార్యక్రమం విద్యార్థుల సర్వతోముఖాభివృద్ధికి బలమైన వేదికగా నిలిచిందని ఉపాధ్యాయులు అభిప్రాయపడ్డారు.