నారాయణఖేడ్ పట్టణంలోని బిఆర్ఎస్ పార్టీ కార్యాలయంలో పార్టీ ఆవిర్భావ దినోత్సవ వేడుకలను ఘనంగా నిర్వహించారు. జీఎంఆర్ ఫౌండేషన్ చైర్మన్, బిఆర్ఎస్ నాయకులు గుఱ్ఱపు మచ్చేందర్ ఆదేశాల మేరకు జరిగిన ఈ కార్యక్రమంలో పార్టీ నాయకులు, కార్యకర్తలు పెద్ద సంఖ్యలో పాల్గొని జెండా ఆవిష్కరించారు. ఈ సందర్భంగా పార్టీ స్థాపన లక్ష్యాలు, ప్రజా సంక్షేమం మరియు రాష్ట్ర అభివృద్ధి కోసం పార్టీ చేపడుతున్న కార్యక్రమాలపై నాయకులు మాట్లాడి కార్యకర్తలకు దిశానిర్దేశం చేశారు. పార్టీ బలోపేతానికి ప్రతి కార్యకర్త కృషి చేయాలని పిలుపునిచ్చారు. కార్యక్రమంలో పండరి యాదవ్, ప్రభాకర్, గంగారం, నారాయణ సాగర్, సందీప్, పర్లాల్, శ్రీకాంత్, సాయిలు, పవన్ కుమార్, తుకారాం తదితరులు పాల్గొన్నారు.