చిట్యాల స్థానికం ప్రతినిధి కొమిడాల మహేందర్ రెడ్డి

నల్గొండ జిల్లా చిట్యాల మున్సిపాలిటీ పరిధిలోని 1వ వార్డు శివనేని గూడెంలో ఏర్పాటు చేసిన డంపింగ్ యార్డ్ కు సంబంధించి మున్సిపల్ కౌన్సిల్లో తీర్మానం చేశామని ఆ మేరకే అక్కడ డంపింగ్ యార్డ్ ను ఏర్పాటు చేశామని కాంగ్రెస్ పార్టీ పట్టణ అధ్యక్షుడు జడల చిన్న మల్లయ్య చెప్పడం అసత్యమని ఒకవేళ నిజమైతే కౌన్సిల్ తీర్మాన కాపీని బయటపెట్టాలని టిఆర్ఎస్ పార్టీ పట్టణ అధ్యక్షుడు పొన్నం లక్ష్మయ్య డిమాండ్ చేశాడు. ఈ మేరకు ఆయన గురువారం మున్సిపల్ కమిషనర్ను కలిసి విషయం ఆయన దృష్టికి తీసుకెళ్లగా ఆయన స్పందిస్తూ డంపింగ్ యార్డ్ నిర్మాణం కై ఎలాంటి తీర్మానం లేదని దీనిపై రెండు రోజుల్లో పూర్తి వివరణ ఇస్తానని ఆయన చెప్పడం జరిగిందని అన్నారు. కానీ అధికార పార్టీకి చెందిన వ్యక్తి ఈ విధంగా చెప్పడం సరైనది కాదని తమ పార్టీ నాయకులను పార్టీని విమర్శిస్తూ అనుచిత వ్యాఖ్యలు చేయడాన్ని తీవ్రంగా ఖండిస్తున్నాం అన్నారు. తీర్మాన కాపీ ఉంటే బయట పెట్టాలని లేకుంటే బహిరంగంగా క్షమాపణ చెప్పాలని ఆయన డిమాండ్ చేశారు.. ఈ కార్యక్రమంలో మున్సిపల్ మాజీ వైస్ చైర్మన్ కూరెళ్ల లింగస్వామి, నాయకులు జిట్టా బొందయ్య, రుద్రారపు యాదయ్య, కన్నెబోయిన శ్రీశైలం, విటల్ రెడ్డి, పోకల రాములు, పోలేపల్లి సత్యనారాయణ, కందాటి రమేష్ రెడ్డి, బొలుగూరి సైదులు, ఆగు అశోక్, జిట్ట శేఖర్, ఎండి గౌస్ తదితరులు పాల్గొన్నారు..