నారాయణఖేడ్ రాజకీయాలపై హరీష్ రావుతో మచ్చేందర్ సమావేశం

నారాయణఖేడ్ స్థానిక ప్రతినిధి

:మాజీ మంత్రి, సిద్దిపేట ఎమ్మెల్యే తన్నీరు హరీష్ రావును జీఎంఆర్ ఫౌండేషన్ చైర్మన్,బిఆర్ఎస్ పార్టీ సీనియర్ నాయకుడు గుఱ్ఱపు మచ్చేందర్ హైదరాబాద్ కోకాపేట్‌లోని నివాసంలో మర్యాదపూర్వకంగా కలిశారు. ఈ సందర్భంగా హరీష్ రావును శాలువాతో ఘనంగా సన్మానించారు.సమావేశంలో నారాయణఖేడ్ నియోజకవర్గ రాజకీయ పరిస్థితులు, పార్టీ బలోపేతం, రానున్న రోజుల కార్యాచరణతో పాటు ప్రజాసేవలో జిఎంఆర్ ఫౌండేషన్ నిర్వహిస్తున్న సేవా కార్యక్రమాలపై విస్తృతంగా చర్చ జరిగింది. మచ్చేందర్ సామాజిక సేవలు, ప్రజల పట్ల ఉన్న నిబద్ధతను హరీష్ రావు అభినందించారు.ఈ కీలక భేటీ బిఆర్ఎస్ పార్టీ శ్రేణుల్లో ఉత్సాహాన్ని నింపగా, రాజకీయ వర్గాల్లో విశేష చర్చకు దారితీసింది. సమావేశంలో పలువురు బిఆర్ఎస్ పార్టీ సీనియర్ నాయకులు పాల్గొన్నారు.