ఇల్లందు మున్సిపాలిటీ 13వ వార్డు ప్రచారంలో మేకల మల్లిబాబు యాదవ్ గారి పిలుపు

కాంగ్రెస్ పార్టీతోనే తెలంగాణకు, ముఖ్యంగా పట్టణాలకు నిజమైన అభివృద్ధి సాధ్యమని మాజీ జెడ్పిటిసి, డిసిసిబి డైరెక్టర్ మేకల మల్లిబాబు యాదవ్ స్పష్టం చేశారు. గురువారం ఇల్లందు మున్సిపాలిటీ 11, 12, 13వ వార్డుల ఎన్నికల ప్రచారంలో పాల్గొన్న ఆయన మాట్లాడుతూ, కాంగ్రెస్ ప్రభుత్వం అన్ని వర్గాల ప్రజలకు, ముఖ్యంగా పేద, బడుగు, బలహీన వర్గాలకు ఎలాంటి అవినీతికి అవకాశం లేకుండా పారదర్శకమైన పాలన అందిస్తోందన్నారు.పల్లెలతో పాటు పట్టణాభివృద్ధిని దృష్టిలో పెట్టుకొని అనేక అభివృద్ధి, సంక్షేమ కార్యక్రమాలను కాంగ్రెస్ ప్రభుత్వం అమలు చేస్తోందని పేర్కొన్నారు. ఈ నేపథ్యంలో ఇల్లందు మున్సిపాలిటీ 13వ వార్డు కాంగ్రెస్ అభ్యర్థి మడుగు సాయి సుధ ని భారీ మెజారిటీతో గెలిపించాలని ఓటర్లకు ఆయన పిలుపునిచ్చారు.

ఈ సందర్భంగా మల్లిబాబు యాదవ్ మాట్లాడుతూ గత బిఆర్ఎస్ ప్రభుత్వం తెలంగాణను అనేక విధాలుగా దోచుకుందని, పేదలు, కార్మికులు, కర్షకులు, రైతులను మోసం చేసిందని విమర్శించారు. గతంలో గెలిచిన ప్రజా ప్రతినిధులు అధికార పార్టీని అడ్డుపెట్టుకొని ఇల్లందు మున్సిపాలిటీలో ఇసుక మాఫియా, భూ అక్రమ దందాలకు పాల్పడ్డారని ఆరోపించారు.కాంగ్రెస్ ప్రభుత్వం ఏర్పడిన అనంతరం తెలంగాణ రాష్ట్ర మంత్రివర్యులు పొంగులేటి శీనన్న అండతో, స్థానిక ఎమ్మెల్యే కోరం కనకయ్య చొరవతో మున్సిపాలిటీ అభివృద్ధికి గణనీయమైన చర్యలు తీసుకున్నట్లు తెలిపారు. ముఖ్యంగా రోడ్లు, డ్రైనేజీ వ్యవస్థ అభివృద్ధి కోసం ఈ ఏడాది జనవరిలో మూడు కోట్ల పదిహేడు లక్షల రూపాయలతో పనులు ప్రారంభించామని, మౌలిక వసతుల కల్పన కోసం దాదాపు తొమ్మిది కోట్ల రూపాయలు మంజూరు చేసినట్లు వెల్లడించారు.

ఈ కార్యక్రమంలో మున్సిపాలిటీ 11వ వార్డు అభ్యర్థి వెంకటలక్ష్మి , 12వ వార్డు అభ్యర్థి రంపా రమ్య , 13వ వార్డు అభ్యర్థి మడుగు సాయి సుధ తో పాటు కాంగ్రెస్ పార్టీ నాయకులు షేక్ ఫతే మహమ్మద్ , గింజల నర్సిరెడ్డి , రాంరెడ్డి జగన్నాథరెడ్డి , దమ్మాలపాటి సత్యం , నల్లమోతు లక్ష్మయ్య , వెంకట నరసయ్య , తోటకూరి శివయ్య , గుజ్జర్లపూడి రాంబాబు , బొల్లి రాజు , శంకువారి సోను , మాలోత్ రాజేష్ , శ్రీరాముల రాంబాబు , శంకువార్ మోహన్ లాల్ , ఈశ్వర్ లాల్ , బక్కతట్ల వెంకన్న , మద్ది జంపయ్య , నన్నెపోయిన రవి , ఈర్ల యాదగిరి యాదవ్ , రాజబోయిన వెంకన్న , రాజు , శంకువార్ రాము , రాపర్తి రాజు , మడుగు భాస్కర్ , మడుగు సరళ , ఆశా బాయి , సీత పాశి , దేవరకొండ లావణ్య , ధనలక్ష్మి పాశి తదితరులు పాల్గొన్నారు.కాంగ్రెస్ పార్టీ నాయకులు, కార్యకర్తలు భారీ సంఖ్యలో పాల్గొని ప్రచారాన్ని ఉత్సాహంగా నిర్వహించారు.