ఒంటరిగా ఉన్న వృద్ధురాలిపై దాడి చేసి మెడలో బంగారు గొలుసు చోరీ చేసిన కేసులో నిందితుడిని అరెస్టు చేసినట్లు జంగారెడ్డి గూడెం ఏఎస్పీ సుస్మిత రామనాథన్ తెలిపారు జంగారెడ్డిగూడెం పోలీస్స్టేషన్లో ఆమె మంగళవారం వివరాలు వెల్లడించారు కామవరపుకోట పాతూరు బీసీ కాలనీకి చెందిన వృద్ధురాలు కలకోటి వెంకట సత్యవతి ఒంటరిగా నివాసం ఉంటుంది ఈనెల ఏడవ తేదీ రాత్రి 9:00 సమయంలో ఆమె భోజనం చేస్తుండగా ఇంటి తలుపులు కొట్టిన శబ్దం విని తలుపు తీసింది ముఖానికి గుడ్డ కట్టుకొని ఉన్న గుర్తు తెలియని ఒక వ్యక్తి ఆమెపై దాడి చేసి రాడ్డుతో తలపై కొట్టి వృద్ధురాలి మెడలోని రెండు కాసుల బంగారు గొలుసు లాక్కొని పారిపోయాడు దీనిపై వృద్ధురాలు ఇచ్చిన ఫిర్యాదు మేరకు తడికలపూడి ఎస్సై టి చెన్నారావు కేసు నమోదు చేశారు సిఐఎంవి సుభాష్ ఆధ్వర్యంలో ఎస్సై విచారణ నిర్వహించి నిందితుడు కామవరపుకోట మండలం పాతూరు గ్రామానికి చెందిన అడవి కొట్టు వెంకటేశ్వరరావు అలియాస్ చక్రి అలియాస్ అంజిగా గుర్తించారు కామవరపు కోట చింతలపూడి వెళ్లే రోడ్డులో గ్రామ శివారు ఆర్ఆర్జికే డైరీ వద్ద నిందితుడిని అరెస్టు చేసి అతని వద్ద నుంచి ఒక లక్ష 40 వేల రూపాయలు విలువైన 14.600 గ్రాముల బంగారు గొలుసు నేరానికి ఉపయోగించిన మోటార్ సైకిల్ వృద్ధురాలిపై దాడికి వినియోగించిన దుస్తులు స్వాధీనం చేసుకున్నట్లు చెప్పారు కేసును చేదించిన సీఐ ఎం.వి సుభాష్ ఎస్ఐ టి చెన్నారావు క్రైమ్ పార్టీ ఏఎస్ఐ ఎన్ వి సంపత్ కుమార్ పీసీలు ఎస్కే షాన్ ఎన్ రమేష్ ఏ సుధీర్ లను ఏఎస్పీ అభినందించారు