నారాయణఖేడ్ నియోజకవర్గం లోని కంగ్టి మండల పరిధిలోని జంమ్గీ కే గ్రామంలో ఘనంగా డాక్టర్ బాబు జయంతి వేడుకలు నిర్వహించారు. ఈ సందర్భంగా జంమ్గీ జాన్ మాదిగ మాట్లాడుతూ.. డాక్టర్ బాబు జగ్జీవన్ రామ్ ఆశయ సాధనలో కఠోరమైన పరిశ్రమికుడు. ఉన్నతమైన లక్ష్యాలు ఉన్న స్వాప్నికుడు. గనుకనే అతడు ఎన్నో రాజకీయ శిఖరాల్నీ అధిరోహించగలిగాడు. ఆనాడు దేశ రాజకీయాల్లో ఉద్దండులు అనబడు వారు సైతం ఆయన మాటను పాఠంగా ఒప్పుకునేంత ఉన్నత వ్యక్తిత్వం ఆయన సొంతం అని తెలియజేశారు,ఐదు దశాబ్దాల కాలంపాటు రాజకీయాల్లో ఓటమెరుగని ప్రజానేతగా కొనసాగడంమంటే మామూలు విషయం కాదు. భారత రిపబ్లిక్ తొలి లోక్సభ(1952)లో ప్రవేశించిన డా.బాబూ జగ్జీవన్ రామ్ వరుసగా ఎనిమిదిసార్లు గెలిచాడు. ముప్ఫైమూడు సంవత్సరాలు కేంద్ర కేబినెట్ మంత్రిగా, ఉప ప్రధానమంత్రిగా భారతదేశ సమగ్ర అభివృద్ధికి విశిష్ట సేవలందించిన రాజకీయ దురంధరుడు మరొకరు ఈనాటికీ లేరు. మొదటి శ్రేణి పార్లమెంటేరియన్గా నిలిచాడు. ఏ శాఖామంత్రిగా ఉన్న ఆ శాఖకు వన్నె తెచ్చిన నేత. డా. బాబూ జగ్జీవన్ రామ్ నేతృత్వం వహించిన శాఖల్లో ఆయన తీసుకువచ్చిన సంస్కరణలు ఈనాటికీ ఆమోదయోగ్యమైనవిగా మనుగడలో ఉండడం ఆయన దూరదృష్టికి తార్కాణాలు. దేశం క్లిష్ట పరిస్థితుల్నీ ఎదుర్కొంటున్న ప్రతీసారి ఆయన పనితనం ప్రపంచం ప్రశంసించే స్థాయిలో ఆయన్ను నిలబెట్టిందని జంమ్గీ జాన్ మాదిగ ఉపన్యాసించారు.ఈ కార్యక్రమంలో అంజయ్య, పి రాజి పటేల్ , ఎమ్మార్పీఎస్ గ్రామ శాఖ అధ్యక్షుడు డేవిడ్ మాదిగ, బోర్గీ రాములు, పెంటయ్య, నాగయ్య, రాములు, భూమయ్య, దేవదాస్, ఎమ్మార్పీఎస్ నాయకులు గ్రామ పెద్దలు ప్రజాప్రతినిధులు తదితరులు పాల్గొన్నారు.