వృత్తిలో కొనసాగుతున్న వారందరికీ బే షరతుగా అక్రిడేషన్ కార్డులు ఇవ్వాలి.

టీజేయు మండల గౌరవ అధ్యక్షుడు నోముల రవీందర్ రెడ్డి

ఆత్మకూరు(ఎం): జర్నలిస్టుల సమస్యలు ప్రభుత్వం వెంటనే పరిష్కరించాలని యాదాద్రి భువనగిరి జిల్లా తెలంగాణ జర్నలిస్టుల యూనియన్ జిల్లా సహాయ కార్యదర్శి ఆత్మకూరు(ఎం)మండల గౌరవ అధ్యక్షులు నోముల రవిందర్ రెడ్డి ప్రభుత్వానికి విజ్ఞప్తి చేశారు.శనివారం రోజు మండల కేంద్రంలోని టీజేయూ కార్యాలయంలో మాట్లాడుతూ... జర్నలిస్టులు సమాజంలో అనేక సవాళ్లను ఎదుర్కొంటూ తమ వృత్తి ధర్మాన్ని కొనసాగిస్తున్నారు. వృత్తి పరిరక్షణకు జర్నలిస్టులు ఐక్యంగా ఉంటేనే మనుగడా సాధించగలుగుతారని అన్నారు. జర్నలిస్టుల సమస్యల పరిష్కారానికి టీజేయు అహర్నిశలు పాటుపడుతూ పోరాటాలు చేపడుతుందన్నారు. నేటి పరిస్థితులు చిన్న పత్రికలు మీడియాలో పనిచేస్తున్న జర్నలిస్టులు క్రియాశీలక పాత్రను పోషిస్తున్నారని అన్నారు. ప్రజల సమస్యలను ప్రతిబింబించే కథనాలు కవరేజీలను చేయడంలో తమ బాధ్యతను నెరవేర్చుతున్నారని తెలిపారు. ఈ క్రమంలో అనేక ఆటుపోట్లు ఎదురైన సమాజ హితం కోసం రాజీ పడకుండా వృత్తిని కొనసాగిస్తున్నారని అన్నారు. జర్నలిస్టుల సమస్యలను పరిష్కరించడంలో ప్రభుత్వాలు చిన్న చూపుగా వ్యవహరించడం జరిగింది ఈ విధానం సరికాదన్నారు. తెలంగాణ రాష్ట్ర సాధనలో ముఖ్య భూమిక పోషించిన జర్నలిస్టులకు అనేక హామీలు ఇచ్చిన గత(కిందటి) ప్రభుత్వం మోసగించిందన్నారు. ప్రస్తుత ప్రభుత్వం ఎన్నికల్లో జర్నలిస్టులకు ఇచ్చిన వాగ్దానాలను అమలు చేయాల్సిన అవసరం ఉందన్నారు. ఇందుకోసం ప్రెస్ అకాడమీ ప్రత్యేక చొరవ కనపర్చాలన్నారు.ప్రభుత్వం జర్నలిస్టులపై దాడుల నియంత్రణకై పకడ్బందీ చర్యలు చేపట్టాలన్నారు. అక్రిడేషన్ కార్డులు వృత్తిలో కొనసాగుతున్న ప్రతి జర్నలిస్టుకు బేసరుతుగా జారీ చేయాలన్నారు. అక్రిడేషన్ జిల్లా స్థాయి కమిటీల సూచనలు తప్పనిసరిగా పరిగణించి ఏం ఫైనల్లో చేర్చాలన్నారు. ఇండ్ల స్థలాలు,ఇండ్ల మంజూరు చేయాలన్నారు.జర్నలిస్టులకు ప్రజా ప్రభుత్వం ఇందిరమ్మ ఇండ్లను నిర్మించి ఇవ్వాలని అన్నారు. ఈ సమస్యల పరిష్కారానికి టీజేయు భవిష్యత్తు కార్యచరణ రూపొందించి ప్రభుత్వంపై ఒత్తిడి తీసుకొస్తుందన్నారు. జర్నలిస్టులు ఐక్యంగా ఉండి సాధించుకోవాలని సూచించారు.