జర్నలిస్టుల గళమే.. TJWA బలం.

సంక్షేమం, హక్కుల పరిరక్షణే లక్ష్యంగా ముందడుగు

హైదరాబాద్, సెప్టెంబర్ 9: ప్రజలకు నిత్యం వాస్తవాలను చేరవేస్తూ ప్రజాస్వామ్యానికి వారధిగా నిలుస్తున్న జర్నలిస్టుల సంక్షేమం, వృత్తి గౌరవం, హక్కుల పరిరక్షణ కోసం తెలుగు జర్నలిస్ట్ వెల్ఫేర్ అసోసియేషన్ (TJWA) బలమైన వేదికగా ముందుకు సాగుతోంది. జర్నలిస్టులు ఎదుర్కొంటున్న సమస్యలపై సమిష్టిగా స్పందిస్తూ, వారి హక్కుల కోసం అండగా నిలవడమే తమ ప్రధాన లక్ష్యమని TJWA జాతీయ ప్రధాన కార్యదర్శి శెట్టి వెంకటేష్ గౌడ్, జాతీయ సలహాదారు డాక్టర్ కొండ మల్లేశం గౌడ్ తెలిపారు.

జర్నలిస్టుల వృత్తిపరమైన సమస్యలు, గుర్తింపు, సంక్షేమం, విధి నిర్వహణలో ఎదురయ్యే ఇబ్బందులు, వృత్తి భద్రత వంటి అంశాలను సంబంధిత అధికారులు, ప్రజాప్రతినిధులు, మీడియా సంస్థల యాజమాన్యాల దృష్టికి తీసుకెళ్లి పరిష్కారానికి కృషి చేయనున్నట్లు తెలిపారు. గ్రామీణ ప్రాంతాల నుంచి మండల, నియోజకవర్గ, జిల్లా, రాష్ట్ర, జాతీయ స్థాయి వరకు పనిచేస్తున్న జర్నలిస్టులను ఒకే వేదికపైకి తీసుకువచ్చి ఐక్యతను బలోపేతం చేయనున్నట్లు పేర్కొన్నారు.

సీనియర్లకు గౌరవం.. జూనియర్లకు మార్గదర్శనం

సీనియర్ జర్నలిస్టులకు సముచిత గౌరవం కల్పించడం, నూతన జర్నలిస్టులకు మార్గదర్శకత్వం అందించడం, ప్రతి జర్నలిస్టు సమస్యపై సమిష్టిగా స్పందించడం TJWA ప్రధాన కార్యక్రమాల్లో భాగమని తెలిపారు. జిల్లా, నియోజకవర్గ, మండల స్థాయిలో సంఘాన్ని బలోపేతం చేస్తూ సమావేశాలు, అవగాహన కార్యక్రమాలు నిర్వహించనున్నట్లు వెల్లడించారు.

జర్నలిస్టుల సంక్షేమం, వృత్తిపరమైన విలువలు, బాధ్యతాయుతమైన జర్నలిజం అభివృద్ధి కోసం మీడియా సంస్థల యజమానులు, చైర్మన్లు, ఎడిటర్లు, బ్యూరో చీఫ్‌లు, సీనియర్ జర్నలిస్టులు, మీడియా మిత్రులు TJWAతో కలిసి ముందుకు రావాలని వారు పిలుపునిచ్చారు.

ఇదే TJWA నినాదం

సీనియర్లకు గౌరవం.. నూతన జర్నలిస్టులకు మార్గదర్శకత్వం..

ప్రతి సమస్యకు సమిష్టి స్పందన.. ప్రతి హక్కుకు అండ..

జర్నలిస్టుల సంక్షేమమే ప్రధాన ధ్యేయం.

మరిన్ని వివరాలకు: TJWA అధికారిక వెబ్‌సైట్ – www.tjwa.in

సంప్రదించండి:

శెట్టి వెంకటేష్ గౌడ్ – జాతీయ ప్రధాన కార్యదర్శి, TJWA.

90520 45435.

డాక్టర్ కొండ మల్లేశం గౌడ్ – జాతీయ సలహాదారు

9000350446