బకాయిదారుల ఇళ్లకు వెళ్లి రశీదుల జారీ

సూర్యాపేట జిల్లా స్థానికం ప్రతినిధి బిక్షం

సూర్యాపేట మున్సిపాలిటీకి రావాల్సిన బకాయి పన్నుల వసూళ్లపై మున్సిపల్ అధికారులు, సిబ్బంది ప్రత్యేక చర్యలు చేపట్టారు. ఇంటి పన్నులు, నల్లా బిల్లులు బకాయి ఉన్న వారి ఇళ్లకు నేరుగా వెళ్లి పన్నులు వసూలు చేసి అక్కడికక్కడే రశీదులు అందజేస్తున్నారు.

సూర్యాపేట జిల్లా కేంద్రంలోని 37వ వార్డుకు చెందిన టైసన్ శ్రీనివాస్ ఇంటికి సంబంధించిన నల్లా బిల్లు రూ. 7200లు బకాయి ఉండగా, మున్సిపల్ సిబ్బంది రమేష్ ఇంటి వద్దనే నగదు స్వీకరించి రశీదు జారీ చేశారు. ఇంటి వద్దకే వచ్చి పన్నులు వసూలు చేస్తున్న మున్సిపల్ సిబ్బంది చర్యలను పట్టణ ప్రజలు అభినందిస్తున్నారు. ఈ విధానం వల్ల పన్నుల చెల్లింపులో సౌలభ్యం కలుగుతుందని వారు పేర్కొంటున్నారు