శ్రీ సత్యసాయి జిల్లా పెనుకొండ పట్టణంలోని 1వ వార్డు ఇస్లాపురం గ్రామంలో మంత్రి సవితమ్మ ఆదేశాల మేరకు సూపర్ సిక్స్ పథకాల అమలుపై ఇంటింటా సర్వే నిర్వహించారు. ప్రజలను నేరుగా కలుసుకుని పథకాల ప్రయోజనాలపై అభిప్రాయాలు సేకరించారు.

మారుతికాలనీ నాగులకట్టలో నిర్వహించిన రచ్చబండ కార్యక్రమంలో స్థానికులు తమ సమస్యలను వెల్లడించారు. వాటిని పరిశీలించిన అధికారులు తక్షణ పరిష్కారానికి చర్యలు తీసుకుంటామని హామీ ఇచ్చారు.

ఈ సందర్భంగా పీఎంఏవై అర్బన్ 2.0 – ఎన్టీఆర్ గృహ నిర్మాణ పథకం కింద కొత్త లబ్ధిదారులను గుర్తించారు. ఇంటి పట్టాలకు సంబంధించిన పొజిషన్ సర్టిఫికెట్లకు అర్హులను ఎంపిక చేశారు. సూపర్ సిక్స్ పథకాల అమలుపై సమీక్ష నిర్వహించారు.

కార్యక్రమంలో అర్బన్ కన్వీనర్ శ్రీరాములు, కౌన్సిలర్ హనుమంతు, మహిళా అధ్యక్షురాలు రమణమ్మ, చంద్రకాంతమ్మతో పాటు పలువురు నాయకులు, కార్యకర్తలు మరియు గ్రామస్థులు పాల్గొన్నారు.