తుంగతుర్తి మండల కేంద్రానికి చెందిన గుండ్ల ఆంజనేయులు, మల్లెపాక రవీందర్ ఇంపాక్ట్ ఇంటర్నేషనల్ ఆధ్వర్యంలో నిర్వహించిన ముప్పై రోజుల ఆన్లైన్ శిక్షణలో మోటివేషనల్ స్పీకర్ మరియు ట్రైనర్ శిక్షణ పూర్తి చేసుకొని, ఈనెల 21,22 తేదీలలో నల్లగొండ జిల్లా కేంద్రంలో జరిగిన ఆఫ్ లైన్ వర్క్ షాప్ లో భాగంగా ఇంపాక్ట్ ఇంటర్నేషనల్ నేషనల్ బోర్డు మెంబర్ నూనె సుదర్శన్, నల్లగొండ రీజియన్ అధ్యక్షులు కోట్ల సాయికిరణ్ గార్ల చేతుల మీదుగా సర్టిఫైడ్ స్పీకర్ మరియు ట్రైనర్గా సర్టిఫికెట్లు అందుకోవడం జరిగింది

ఈ శిక్షణలో వ్యక్తిత్వ వికాసం, టైం మేనేజ్మెంట్, గోల్ సెట్టింగ్, బెస్ట్ పేరెంటింగ్,సమర్థవంతమైన ప్రసంగ నైపుణ్యాలు, నాయకత్వ లక్షణాలు, విద్యార్థులు మరియు యువతను ప్రేరేపించే పద్ధతులు వంటి అంశాలపై సమగ్ర అవగాహన పొందారు

ఈ సందర్భంగా గుండ్ల ఆంజనేయులు మాట్లాడుతూ, “సమాజంలో సానుకూల మార్పు తీసుకురావాలంటే యువతలో ఆత్మవిశ్వాసం పెంపొందించడం అత్యవసరం. ఈ శిక్షణ ద్వారా మరింత బాధ్యతతో సేవ చేయగలుగుతాను” అని తెలిపారు. మల్లెపాక రవీందర్ మాట్లాడుతూ, “మోటివేషన్ అనేది మాటల్లోనే కాదు, ఆచరణలో కూడా కనిపించాలని. అందుకు ఈ శిక్షణ నాకు మార్గదర్శకంగా నిలిచింది” అని పేర్కొన్నారు.నల్లగొండ రీజియన్ సెక్రటరీ నారాయణ కవిత, కోశాధికారి కోట సరిత, డైరెక్టర్ ట్రైనింగ్ గూడూరు అంజిరెడ్డి, నారీసెల్ డైరెక్టర్ శ్రీలత గారు మరియు మెంటర్స్ ఆశ్రిత, భీష్మాచారి, విజయ్, సరిత, బాలు, రవీంద్రాచారి, రవీందర్ రెడ్డి మరియు శిక్షణ పొందిన సభ్యులు పాల్గొన్నారు వారంతా ఇంపాక్ట్ ఇంటర్నేషనల్ వ్యవస్థాపకులు గురూజీ గంప నాగేశ్వరరావు కి ధన్యవాదాలు తెలియజేశారు.