కోదాడలో జరిగిన రాష్ట్ర స్థాయి సమావేశంలో కార్యవర్గం ఎంపిక

హుజూర్నగర్ నియోజకవర్గ పారామెడికల్ మరియు ల్యాబ్ టెక్నీషియన్ సంఘం అధ్యక్షుడిగా హుజూర్నగర్‌కు చెందిన గుండు వెంకటేశ్వర్లు ఏకగ్రీవంగా ఎన్నికయ్యారు. దక్షిణ భారతదేశంలోని తెలుగు రాష్ట్రాలు అయిన ఆంధ్రప్రదేశ్, తెలంగాణలకు చెందిన ల్యాబ్ యజమానులు, ల్యాబ్ సాంకేతిక నిపుణులు అనేక దశాబ్దాలుగా రాష్ట్ర స్థాయి నుండి పట్టణ స్థాయి వరకు సమగ్ర సంఘం లేక ఎన్నో సమస్యలు ఎదుర్కొంటున్నారు. సమస్యల పరిష్కారం కోసం చర్చలు, సమావేశాలు, సదస్సులు నిర్వహించిన అనంతరం హైదరాబాద్ కేంద్రంగా “తెలంగాణ పారామెడికల్ మరియు ల్యాబ్ టెక్నీషియన్ సంఘం” పేరుతో సంస్థను ఏర్పాటు చేశారు.

ఈ నేపథ్యంలో కోదాడలో జరిగిన రాష్ట్ర స్థాయి సమావేశంలో రాష్ట్ర అధ్యక్షుడు పి. వీరయ్య, కార్యనిర్వాహక అధ్యక్షుడు కిన్నెర రవీంద్ర, రాష్ట్ర ప్రధాన కార్యదర్శి గార్ల అజయ్ ఆధ్వర్యంలో హుజూర్నగర్ మరియు కోదాడ నియోజకవర్గ స్థాయి కార్యవర్గ ఎన్నికలు నిర్వహించారు. హుజూర్నగర్ నియోజకవర్గ స్థాయి సంఘం అధ్యక్షుడిగా గుండు వెంకటేశ్వర్లు, ప్రధాన కార్యదర్శిగా కోల నవీన్, సంయుక్త కార్యదర్శిగా పి. నాగరాజు, ఖజాంచీగా డి. నరేందర్, కార్యవర్గ సభ్యులుగా కే. సాయి, షరీఫ్ ఏకగ్రీవంగా ఎన్నికయ్యారు.

అనంతరం ఎన్నికైన కార్యవర్గ సభ్యులను రాష్ట్ర కమిటీ ప్రతినిధులు సన్మానించి అభినందించారు. సంఘం బలోపేతానికి కృషి చేయాలని సూచించారు.