పాఠశాల అభివృద్ధికి పూర్వ విద్యార్థుల సహకారం అందించడం అభినందనీయమని ప్రభుత్వ విప్ ఆలేరు ఎమ్మెల్యే బీర్ల ఐలయ్య, డి ఈ ఓ సత్యనారాయణ అన్నారు.మోటకొండూర్ మండలంలోని చాడ ప్రభుత్వ పాఠశాల 130 వ వార్షికోత్సవంను శనివారం ఘనంగా నిర్వహించారు. ఈ సందర్భంగా నిర్వహించిన విద్యార్థుల ఆటపాటలు చూపరులను ఎంతో అలరించాయి.ఈ సందర్భంగా వారు మాట్లాడుతూ ప్రభుత్వ పాఠశాలల అభివృద్ధికి పూర్వ విద్యార్థులు సహకరించి మరింత తోడ్పాటు ఇవ్వాలని వారు తెలియజేశారు. అనంతరం ఉపాధ్యాయులకు శాలువాలు, మెమెంటోతో పూర్వ విద్యార్ధులు సత్కరించారు ఈ కార్యక్రమంలో ఎం ఈ ఓ రఘురాం రెడ్డి, ఎస్ఐ అశోక్, ప్రధానోపాధ్యాయులు బాల గంగాధర్ రెడ్డి,సర్పంచ్ శ్రీనివాస్, ఉప సర్పంచ్ భూమయ్య పూర్వ విద్యార్థులు పాల్గొన్నారు.