చిన్నారులకు ఉత్తమ విద్య ప్రమాణాలు అందించే దిశగా పాఠశాల ముందుకు సాగాలని రంగారెడ్డి జిల్లా బీజేపీ అధ్యక్షులు వనపల్లి శ్రీనివాస్ రెడ్డి అన్నారు.

చిన్నారులకు నాణ్యమైన ప్రాథమిక విద్యతో పాటు సృజనాత్మక అభివృద్ధి కల్పించాలనే లక్ష్యంతో ఏర్పాటు చేసిన కేంబ్రిడ్జ్ మాంటెస్సోరి ప్రీ స్కూల్ వనస్థలిపురంలో సోమవారం ఘనంగా ప్రారంభమైంది. ఈ సందర్భంగా నిర్వహించిన ప్రారంభోత్సవ కార్యక్రమం ఉత్సాహభరిత వాతావరణంలో జరిగింది.ఈ కార్యక్రమానికి ముఖ్య అతిథులుగా బీజేపీ రంగారెడ్డి జిల్లా అధ్యక్షులు వనపల్లి శ్రీనివాస్ రెడ్డి, జీహెచ్‌ఎంసీ మాజీ డిప్యూటీ ఫ్లోర్ లీడర్ కొప్పుల నర్సింహా రెడ్డి, మాజీ కార్పొరేటర్లు జిట్ట రాజశేఖర్ రెడ్డి, రాగుల వెంకటేశ్వర్ రెడ్డి హాజరై నిర్వాహకులతో కలిసి పాఠశాలను ఘనంగా ప్రారంభించారు. అనంతరం నిర్వాహకులకు శుభాకాంక్షలు తెలియజేస్తూ చిన్నారులకు ఉత్తమ విద్యా ప్రమాణాలు అందించే దిశగా పాఠశాల ముందుకు సాగాలని ఆకాంక్షించారు.కార్యక్రమంలో అతిథులను యాజమాన్యం ఘనంగా సన్మానించింది. మాంటెస్సోరి, కేంబ్రిడ్జ్ విద్యా విధానాల ఆధారంగా రూపొందించిన ఈ విద్యాసంస్థలో కార్యాచరణ ఆధారిత బోధన, మైండ్ డెవలప్‌మెంట్ ప్రోగ్రామ్స్, నైపుణ్యాభివృద్ధి శిక్షణకు ప్రత్యేక ప్రాధాన్యత ఇస్తున్నట్లు యాజమాన్యం తెలిపింది.

అలాగే పిల్లలకు అనుకూలమైన సురక్షిత వాతావరణంలో అనుభవజ్ఞులైన అధ్యాపకులతో విద్య అందించనున్నట్లు పేర్కొన్నారు. ఆధునిక తరగతి గదులు, రవాణా సౌకర్యం, చిన్నారుల మానసిక వికాసానికి తోడ్పడే ప్రత్యేక కార్యక్రమాలు అందుబాటులో ఉంచినట్లు వెల్లడించారు. ప్రస్తుతం పరిమిత అడ్మిషన్లు కొనసాగుతున్నాయని తెలిపారు.ఈ కార్యక్రమంలో సంస్థ ఎండీ, డైరెక్టర్ మౌనిక హరినాథ్, అకాడమిక్ కోఆర్డినేటర్ లక్ష్మి, విష్ణుప్రియతల్లిదండ్రులు,శ్రేయోభిలాషులు తదితరులు పాల్గొన్నారు.