వలిగొండ మండలంలోని నాగారం గ్రామంలో బెల్ట్ షాపులు నిర్వహించవద్దని గ్రామ యువత బెల్ట్ షాపు నిర్వాహకులకు అల్టిమేంటం చెప్పారు. ఈ సందర్భంగా పలువురు మాట్లాడుతూ గ్రామంలో విచ్చలవిడిగా బెల్ట్ షాపులు నిర్వహిస్తుండగా యువత మద్యానికి బానిసై జీవితాలను కోల్పోతున్నారని, కుటుంబాలు ఆగమైతున్నాయని వెంటనే గ్రామంలో బెల్ట్ షాపులను నిలిపివేయాలని నిర్వాహకుల ఇంటి ముందు హల్చల్ చేశారు. నిర్వాహకులపై వాగ్వివాధానికి దిగారు. మూడు నాలుగు రోజులు గడువు ఇస్తున్నాం గడువులోపు బెల్ట్ షాపులో మూసివేయాలని లేకుంటే పెద్ద ఎత్తున గ్రామంలోని మహిళా సంఘాల ఆధ్వర్యంలో గ్రామ యువత కఠిన చర్యలు తీసుకొని నిర్వాహకులకు తగిన బుద్ధి చెబుతామని నిర్వాహకులకు హెచ్చరించారు. ఈ కార్యక్రమంలో గ్రామ యువత పాల్గొన్నారు.