స్థానికం ప్రతినిధి కొండ మల్లేశం గౌడ్

నీతివంతమైన పాలనతో గ్రామాభివృద్ధికి అంకితభావంతో పనిచేస్తానని బీజేపీ బలపరిచిన మునిపంపుల సర్పంచ్ అభ్యర్థి కన్నె కంటి వెంకటేశ్వరాచారి స్పష్టం చేశారు. శుక్రవారం మునిపంపుల గ్రామంలో నిర్వహించిన ప్రచార ర్యాలీలో ఆయన పాల్గొని మాట్లాడారు.

గ్రామాన్ని అన్నివిధాల అభివృద్ధి చేయాలనే స్పష్టమైన సంకల్పంతోనే ఎన్నికల బరిలోకి దిగానని, ప్రజలు ఆశీర్వదించి గెలిపిస్తే పాలకుడిగా కాకుండా సేవకుడిగా పనిచేస్తానని తెలిపారు. ప్రతి సమస్యపై వెంటనే స్పందిస్తూ ప్రజలకు అందుబాటులో ఉంటానని హామీ ఇచ్చారు.

ముఖ్యంగా వీధిదీపాల నిర్వహణను పటిష్టం చేసి గ్రామాన్ని వెలుగులతో నింపుతామని, సురక్షితమైన మంచినీటి సరఫరాకు ప్రత్యేక ప్రాధాన్యం ఇస్తామని చెప్పారు. రానున్న ఎన్నికల్లో ‘ఉంగరం’ గుర్తుకు ఓటు వేసి తనను గెలిపించాలని ఆయన ఓటర్లను కోరారు.