సరుబుజ్జిలి మండలంలో మర్యాదపూర్వక భేటీ

వైయస్సార్ కాంగ్రెస్ పార్టీ రాష్ట్ర కార్యదర్శి, విజయనగరం పార్లమెంటరీ నియోజకవర్గ పరిశీలకులు కిల్లి వెంకట గోపాల సత్యనారాయణను ఆమదాలవలస నియోజకవర్గం సరుబుజ్జిలి మండలంలోని పకీర్ సాహెబ్ పేట గ్రామస్తులు మర్యాదపూర్వకంగా కలిశారు.ఈ సందర్భంగా గ్రామంలో నెలకొన్న పలు సమస్యలను ఆయన దృష్టికి తీసుకువచ్చారు. తాగునీరు, రహదారులు, డ్రైనేజీ, విద్యుత్, ఇతర మౌలిక వసతుల సమస్యలను వివరించారు. గ్రామాభివృద్ధికి తక్షణ చర్యలు తీసుకోవాలని కోరారు.గ్రామస్తుల వినతులను ఓర్పుతో విన్న కిల్లి వెంకట గోపాల సత్యనారాయణ, సమస్యల పరిష్కారానికి పార్టీ స్థాయిలో సంబంధిత అధికారుల దృష్టికి తీసుకువెళ్లి తగిన చర్యలు చేపడతామని హామీ ఇచ్చారు. ప్రజల సంక్షేమమే లక్ష్యంగా వైయస్సార్ కాంగ్రెస్ పార్టీ పనిచేస్తుందని తెలిపారు.ఈ భేటీలో గ్రామ పెద్దలు, పార్టీ నాయకులు, కార్యకర్తలు పాల్గొన్నారు.