రామన్నపేట మండలంలో పారిశుధ్య పనులు–ఇంటి పన్నుల వసూలుపై సమీక్ష

రామన్నపేట స్థానికం ప్రతినిధి

రామన్నపేట మండలంలో పారిశుధ్య పనులు, ఇంటి పన్నుల వసూలుపై డివిజనల్ పంచాయతీ అధికారి ప్రతాప్ నాయక్ అధ్యక్షతన సమావేశం నిర్వహించారు. మండలంలోని పంచాయతీ కార్యదర్శులతో ఏర్పాటు చేసిన ఈ సమావేశంలో గ్రామాల వారీగా పారిశుధ్య పనుల పురోగతి, పన్నుల వసూలు అంశాలపై చర్చించారు.

అన్ని గ్రామాల్లో పారిశుధ్య పనులు క్రమం తప్పకుండా చేపట్టాలని, ఇంటి పన్నుల వసూలు వంద శాతం పూర్తి చేయాలని సూచించారు. ఈ కార్యక్రమంలో సర్పంచుల సహకారంతో పారిశుధ్య పనులు మరింత వేగవంతం చేయాలని తెలిపారు.

ఈ సమావేశంలో ఎంపీడీవో ఆవుల రాములు, ఎంపీవో రావూఫ్ అలీ, ఏపీవో వెంకన్నతో పాటు పంచాయతీ కార్యదర్శులు పాల్గొన్నారు.