స్థానికం ప్రతినిధి

కేంద్ర ప్రభుత్వం తీసుకువచ్చిన VB–GRAMG బిల్లు వికలాంగుల జీవనోపాధి హక్కులను బలహీనపరుస్తోందని వికలాంగుల హక్కుల జాతీయ వేదిక (NPRD) జిల్లా ప్రధాన కార్యదర్శి వనం ఉపేందర్ విమర్శించారు. బిల్లు తక్షణమే ఉపసంహరించుకోవాలని డిమాండ్ చేస్తూ సోమవారం రామన్నపేట పట్టణంలో బిల్లు ప్రతులను దగ్ధం చేస్తూ నిరసన చేపట్టారు.

ఉపాధి హామీ చట్టాన్ని నిర్వీర్యం చేసే ఈ బిల్లు గ్రామీణ వికలాంగ కార్మికులను తీవ్ర పేదరికంలోకి నెట్టే ప్రమాదముందని హెచ్చరించారు. ఈ కార్యక్రమంలో NPRD మండల కార్యదర్శి గిరికల లింగస్వామి, మండల ఉపాధ్యక్షులు నాగు నరసింహ, జిల్లా నాయకులు గొరిగి సోములు, బావుండ్ల పెళ్లి బాలరాజు, కోనూరు మల్లేష్, బొడ్డుపల్లి అంజయ్య, ఎస్.వెంకటేశం, వరికుప్పల చంద్రయ్య, లవణం శ్రీనివాస్ తదితరులు పాల్గొన్నారు.