డిస్ట్రిబ్యూషన్ కేంద్రం, స్ట్రాంగ్ రూములు, కౌంటింగ్ కేంద్రాల తనిఖీ

జిల్లా కలెక్టర్ తేజస్ నంద్ లాల్ పవార్

నరసింహ ఐపిఎస్, ఎస్పి సూర్యాపేట జిల్లా.

సూర్యాపేట పట్టణంలోని ఎస్ వి ఇంజనీరింగ్ కళాశాలలో ఏర్పాటు చేసిన ఎన్నికల డిస్ట్రిబ్యూషన్ కేంద్రం, స్ట్రాంగ్ రూములు, ఓట్ల లెక్కింపు కేంద్రాలను జిల్లా ఎన్నికల పరిశీలకుడు జి ఎస్ పండా దాస్ పరిశీలించారు. ఎన్నికల నిర్వహణకు తీసుకున్న ఏర్పాట్లను ఆయన సమగ్రంగా పరిశీలించి, భద్రతా చర్యలు, సిబ్బంది కేటాయింపులు, సౌకర్యాలపై అధికారులకు సూచనలు చేశారు.

ఈ పరిశీలనలో జిల్లా కలెక్టర్, జిల్లా ఎస్పీ, మున్సిపల్ కమిషనర్ కూడా పాల్గొన్నారు. పోలింగ్ సామగ్రి పంపిణీ, భద్రత, స్ట్రాంగ్ రూముల పర్యవేక్షణ, ఓట్ల లెక్కింపు ప్రక్రియ ప్రశాంతంగా, పారదర్శకంగా జరిగేలా అన్ని ఏర్పాట్లు ఉండాలని సూచించారు.

ఎన్నికల సమయంలో ఎలాంటి లోపాలు తలెత్తకుండా ముందస్తు చర్యలు తీసుకోవాలని, అన్ని విభాగాలు సమన్వయంతో పనిచేయాలని అధికారులు ఈ సందర్భంగా పేర్కొన్నారు.