సంగారెడ్డి జిల్లా స్థానికం ప్రతినిధి కృష్ణ:సంగారెడ్డి పట్టణంలోని సంయుక్త పాఠశాలలో ఈ రోజు “అరైవ్ అలైవ్ – 2026” రోడ్డు భద్రతా అవగాహన కార్యక్రమం నిర్వహించబడింది. ఈ కార్యక్రమంలో విద్యార్థులు, పాఠశాల యాజమాన్యం, బస్ డ్రైవర్లు పాల్గొన్నారు. ముఖ్య అతిథిగా జిల్లా ఎస్పీ పరితోష్ పంకజ్ హాజరై విద్యార్థులను స్వాగతించారు.విద్యార్థులు ఆటలు, పాటల ద్వారా ట్రాఫిక్ అవగాహనను ప్రదర్శించారు.జిల్లా ఎస్పీ మాట్లాడుతూ, రోడ్డు ప్రమాదాలను తగ్గించి ప్రజల ప్రాణాలను కాపాడడమే “అరైవ్ అలైవ్ – 2026” ఉద్యమ లక్ష్యం అని తెలిపారు. విద్యార్థులు భవిష్యత్తు బాధ్యతాయుత పౌరులని, చిన్న వయసులోనే ట్రాఫిక్ నియమాలపై అవగాహన కలిగి ఉంటే రోడ్డు ప్రమాదాలు తగ్గే అవకాశాలు ఎక్కువవుతాయని పేర్కొన్నారు.విద్యార్థులు ఈ అవగాహన తమ తల్లిదండ్రులకు కూడా పంచుకోవాలని సూచించారు.వాహనదారులు ట్రాఫిక్ నియమాలను పాటించాలి,పరిమిత వేగంలో వాహనాలు నడపాలి అని ఎస్పీ స్పష్టం చేశారు.ద్విచక్ర వాహనాల్లో ముందుగానే హెల్మెట్ ధరించడం తప్పనిసరి, ఫోర్ వీలర్ వాహనాల్లో సీటు బెల్ట్ తప్పనిసరి అని సూచించారు.మద్యం సేవించి వాహనం నడపరాదు, మత్తులో వాహన నడిపితే ప్రమాదం కలగవచ్చని హెచ్చరించారు. ఓవర్ స్పీడ్ క్షణిక ఆనందాన్ని ఇస్తుందేమో, అది ప్రాణహానికి దారితీయవచ్చని చెప్పారు.అనంతరం, జిల్లా ఎస్పీ “అరైవ్ అలైవ్ – 2026” పోస్టర్లను ఆవిష్కరించి, ద్విచక్ర వాహనదారులకు హెల్మెట్లు పంపిణీ చేశారు. హెల్మెట్ తలకే కాకుండా కుటుంబాన్ని రక్షించే పరికరమని గుర్తు చేశారు. వాహనదారులు తప్పనిసరిగా ట్రాఫిక్ నియమాలను పాటించాలని ప్రతిజ్ఞ చేశారు.కార్యక్రమంలో మహిళా కానిస్టేబుల్ వనజ ప్రత్యేక ముగ్గు రూపకల్పన ద్వారా ట్రాఫిక్ నియమాలను ప్రతిబింబించారు. జిల్లా ఎస్పీ వనజను అభినందించారు.ఈ కార్యక్రమంలో సంయుక్త పాఠశాల ప్రిన్సిపల్ సంతోష్, సంగారెడ్డి డీఎస్పీ సత్తయ్య గౌడ్, ట్రాఫిక్ ఇన్స్పెక్టర్ రామకృష్ణ,కొండాపూర్ ఇన్స్పెక్టర్ సుమన్ కుమార్, ఎస్‌ఐ సోమేశ్వరి,మునిపల్లి ఎస్‌ఐ రాజేష్ నాయక్, పాఠశాల యాజమాన్యం తదితరులు పాల్గొన్నారు.