దేశవ్యాప్తంగా పెట్రోల్, డీజిల్ ధరలు మరోసారి పెరిగాయి. ఆయిల్ మార్కెటింగ్ కంపెనీలు పెట్రోల్‌పై లీటరుకు 86 పైసలు, డీజిల్‌పై 83 పైసలు పెంచాయి. నాలుగు రోజుల వ్యవధిలోనే ఇది రెండోసారి ధరల పెంపు కావడం గమనార్హం. అంతర్జాతీయ మార్కెట్‌లో ముడి చమురు ధరల మార్పులు, రవాణా వ్యయాల పెరుగుదల కారణంగానే ఈ నిర్ణయం తీసుకున్నట్లు తెలుస్తోంది. తాజా పెంపుతో సాధారణ ప్రజలపై మరోసారి భారం పడనుంది.